Daniel 9:22 - Alkitab Duri

²² Napamanassai Jibrail lako aku' nakua, “Ee Daniel, ia tee aku' ratuna' mpapahangngiko joo apa napau jolo Nabi Yeremia tonna anu'.

Daniel 9:22 ပူးပေါင်းရင်းမြစ်များ

Daniel 10:11

Mangkadami joo malaeka' mangrupa tau lako aku' nakua, ‘Ee Daniel, Napakamoja'ko Puang Allataala. Ke'dehmoko mupesa'dingngi tee pepasanku', sanga Nasuana' Puang Allataala ratu lako iko.’ Ia tongkusa'dingmi joo kadanna malaeka', ke'dehna' nambe'beh to ajeku'.

Daniel 10:12

Namangkada pole' joo malaeka' mangrupa tau lako aku', nakua, ‘Daniel, danggi' mumalaja', nasaba' Nasa'dingmo Puang Allataala to passambajangmu tommumane' nnakkattaii la nnissenni joo pepasan-Na ammumpamajiong kalemu lako Allataala to musompa. Iamo kuratu, nasaba' passambajangmu.

Daniel 10:14

Kumane' ratu ssikitanko mpapahangngiko to apa la jaji lako bangsamu keanu', nasaba' ia tee pengkita la jaji tee wattu la dioloi lako.’

Daniel 7:16

Jaji malena' mpendete'i to mesa' tau ke'deh jio, angkukutanaii kumua apa battuananna joo kukita anna pauanna' battuananna, nakua,

Daniel 8:16

Denmi gamaranna tau kusa'ding metamba jio mai sambali'na Sa'dan Ulai, nakua, “Ee Jibrail, pauanni Daniel battuananna joo pengkitanna.”

Amos 3:7

Iamo joo, nate'dapa apa Napugauk PUANG Allataala, ke te'dapi Napangpeissenanni jolo' lako nabi, tompangjaman Puang Allataala.

Pengkitanna Yahya 4:1

Mangkai joo too ngkita omo' mesa' pengkita. Ngkitana' mesa' pelalan titimbak jao suruga. Kumane' sa'ding pole' gamara susi oni tarompe' to mangka sipangkada-kadanna'. Ia joo gamara nakua, “Endekko mai ntee. La kupakitanko to apa la jaji dau.”