Daniel 9:20 - Alkitab Duri

²⁰ Massambajang unapa' nnakui dosaku' sola dosana bangsaku' Israel, meta'da lako PUANG Allataala to kusompa dikua na melo pole' to Bola Puang Allataala jio kota Yerusalem.

Daniel 9:20 ပူးပေါင်းရင်းမြစ်များ

Daniel 10:12

Namangkada pole' joo malaeka' mangrupa tau lako aku', nakua, ‘Daniel, danggi' mumalaja', nasaba' Nasa'dingmo Puang Allataala to passambajangmu tommumane' nnakkattaii la nnissenni joo pepasan-Na ammumpamajiong kalemu lako Allataala to musompa. Iamo kuratu, nasaba' passambajangmu.

Daniel 10:2

Nakua Daniel mangkada, “Ia joo wattu, duangpulo mesa allona kunii masussa susi to nnoloi tomate mpikkiri'i joo pepasan.

Daniel 11:45

Na la mpake'dehhi tendana to gaja kassing jio paralla'na Tasik Tangnga na buntu maballo to nanii Bola Puang Allataala. Apa la matei. Na moi mesa' tau, te'da ngkullei ntulungngi.’

Daniel 9:16

Oo Puang Allataala, addampangankan situru' kamarurusan-Ta', danggi'mo nakannai kamabirisan-Ta' to kota-Ta' Yerusalem jao buntu mala'bih-Ta'. Nasaba' ia to tau torro jio mengguririkkina kota Yerusalem te'damo naangga'i to umma'-Ta', sola kota-Ta' sanga dosaki' sola kasalanna tojoloki'.

Jamanna Rasulu' 4:31

Ia tonna mangkamo massambajang, tirogemi to nanii, anna kuasai ngasanni Roh Allataala, nabarani mpangpeissenan kadan-Na Puang Allataala.

Roma 3:23

nasaba' sininna tolino mpugauk dosa na te'da nasipato' ntarima kasalamatan.

Yakub 3:2

Kita' sola ngasan biasaki' mpugauk mangrupa-rupa kasalan. Apa ia to tote'da bang nasala lan buangan kadanna, iamo tau to te'da caccana, sanga nakulle ia nta'tan kalena.

Pengkitanna Yahya 21:10

Nakuasaina' Roh Allataala, nabawana' joo malaeka' de' potok buntu majao. Najillokanna' kota-Na Puang Allataala, iamo to Yerusalem mellao jao mai suruga, to nanii Puang Allataala.

Pengkitanna Yahya 21:2

Kukitami to kota-Na Puang Allataala, iamo Yerusalem baru, mellao jao mai suruga, to nanii Puang Allataala. Ia joo kota mangkamo dipapakei susi tobotting baine sadia la ntammui tobotting muane.