Daniel 9:2 - Alkitab Duri

² den wattu na ia tee aku' Daniel mbacana' Sura' Allataala. Kupikkiri'i to kadan-Na PUANG Allataala lako Nabi Yeremia nakua, “Ia to kota Yerusalem nang la diancuru' pitungpulo taun masainna.”

Daniel 9:2 ပူးပေါင်းရင်းမြစ်များ

Daniel 9:3

Iamo joo kumentingngara massambajang meta'da lako Puang Allataala, kupuasa too sola mpake kaen karung, kucumadokko jao au, nasaba' kamasseanna penawangku'.

Matius 24:15

Mpatarruhhi kadan-Na Puang Isa nakua, “La ngkita kamu' ‘apa to liwa' mecarepan’ dipake'deh lan Bola Puang Allataala, susi to mangka napau Nabi Daniel. (Ia to tombacai tee, la naissen meloi apa battuananna!)

Markus 13:14

Mpatarruhhi kadan-Na Puang Isa nakua, “La ngkita kamu', ‘apa to liwa' mecarepan’ dipake'deh jio ngenan to tangsipato'na nanii. (Ia to tombacai tee la naissen meloi apa battuananna!) Ia joo wattu, ia to totorro jio tana Yudea la palai de' membuntunna.

Jamanna Rasulu' 8:34

Nakua joo tomapangka' lako Filipus, “La kukutanaiko, indannara to nasanga tee nabi? Kale kalenaraka, ba'tu tau laenraka?”

1 Timotius 4:13

Ianna te'dapa kuratu mati', la muajahhi to tau, na mubacanni to Sura' Allataala mupamanassan tooi.

Pengkitanna Yahya 1:3

La masannangngi to tombacai sola to tossa'dingngi tee pepasan-Na Puang Allataala na turu'i to apa diuki' lan, nasaba' sininna tee te'damo namasai nalajaji.