Daniel 9:12 - Alkitab Duri

¹² Najajimo susi to Tapau jolo la jaji lako kami' sola lako tomangparentaki'. La'bih disessamokan to-Yerusalem na ia to tau jio kota laen umbo-umbo nanii lan lili'na lino.

Daniel 9:12 ပူးပေါင်းရင်းမြစ်များ

Kada Bulawan 8:16

Pakkaeloranku' namakuasa mangparenta to tomaraja, pangtulungku' namacca to puang mangra'tah tangmangpasilaenan.

Daniel 12:1

Mangkada pole'i joo malaeka' mangrupa tau, nakua, ‘Ia ke la Kama'mi lino, la ratui Mikhael sala mesa'na kapala malaeka' ntulung bangsamu. Na ia joo wattu na la den kamaparrisan la'da'. Te'dapa naden kamaparrisan susi joo, mangpamula den bangsa ratu lako joo wattu. Apa la salama' bangsamu to diuki'mo sanganna lan Sura' Katuoan.

Amos 3:2

“Kamu' mandara bangsa to Kuparinawa tarruh. Kupilei kamu' jio mai sininna bangsa lan lino. Iamo joo Kulasessa kamu', nasaba' sininna dosami.”

Matius 24:21

Nasaba' ia joo wattu la den pangsessa gaja parri', to te'dapa naden susinna joo sipammula lino dipaden ratu lako too allo, na te'da toomo naladen pole'pa.

Matius 5:18

La miingaran tee kadang-Ku' kumua, te'dapa nala-Kiama' to lino, ke te'dapi najaji ngasan to diuki' lan atoran-Na Puang Allataala! Jaji, moi mesa' hurupu' te'da naladita'dei lan joo atoran.

Markus 13:19

Nasaba' ia joo wattu la den pangsessa gaja parri', to te'dapa naden susinna sipammula lino dipaden ratu lako too allo, na te'da toomo naladen pole'pa.

Lukas 21:22

Nasaba' ia joo allo iamo allo nanii mangpabalahhi Puang Allataala, dikua anna jaji to apa diuki' lan Sura' Allataala.

Roma 15:8

La miingaran ia kumua mangkami Almaseh mentama lino ntulung to-Yahudi, la nanii Puang Allataala mpugauk basse-Na lako tojoloki', anna manassa kumua tongan to kadan-Na Puang.