Daniel 8:4 - Alkitab Duri

⁴ Kukitai joo bembala' muane manglaga tama kalambunan, manglaga re', manglaga sau'. La'bih mawatang na ia to olok-olok laen, moi mesa' te'da ngkullei nnewai, ba'tu la'pah jio mai kuasanna. Napugauk bang to apa nakadoangngi, na memmawatang.

Daniel 8:4 ပူးပေါင်းရင်းမြစ်များ

Daniel 11:16

Ia to raja jajanna liu la mpupangngeloh bang elohna mangpugauk, na moi mesa' tau te'da nnewai. Natorroi to Tana Kaminang Makassing nawa'ding nnancuru'i.

Daniel 11:36

Napugauk bang raja karajaan jajanna liu to apa nakadoangngi. Namenjaji matampo, nnangga' kalena la'bih mala'bih na ia to sininna dewata. La'bih-la'bih liwa' ncapa' Allataala to makuasa. La jaji ngasan susi to nakadoangngi arannai naperasai to kamabirisan-Na Puang Allataala. Nasaba' ia to mangka Napattantu Puang Allataala nang la jaji.

Daniel 5:19

Matonggo kuasanna, iamo joo nakalaja'i sola nakasiri'i sininna bangsa, simesa'-mesa' rapu tau to mpake mangrupa-rupa basa. Ia ke madoangngi mpatei tau, Napatei bang unamira. Susi too ke madoangngi mpasalama' tau, Napasalama' too. Napamajaoi to to-Nakabudai, Napamajiongngi to totang-Nakabudai.

Daniel 5:30

Bongi ia bang unamo joo nadipatei Belsyazar rajana to-Babel.

Daniel 7:5

Den omi olok-olok mangpenduanna susi beruang, ke'dehhi, apa ia manda to aje undinna napupellese, na den tallu buku bamban nakengke. Na den gamara kusa'ding ngkuanni, ‘Ee, kandemoko juku' sabarahmu.’