Daniel 8:23 - Alkitab Duri

²³ Mpatarruhhi kadanna Jibrail nakua, “Ia na la cappa'mo to karajaan mangparenta, buda tau la mpugauk panggaukan to liwa' gaja'. Na den pole' mesa' raja to gaja parrang namacca mangnguraga.

Daniel 8:23 ပူးပေါင်းရင်းမြစ်များ

Kada Bulawan 1:6

dikua nampahang kada bulawan, kada pangpasusian, karume sola kadanna tomacca.

Daniel 10:14

Kumane' ratu ssikitanko mpapahangngiko to apa la jaji lako bangsamu keanu', nasaba' ia tee pengkita la jaji tee wattu la dioloi lako.’

Daniel 11:21

Mpatarruhhi kadanna joo malaeka' mangrupa tau nakua, ‘La den pole' raja la mparenta karajaan jajanna liu, mesa' tau to te'da nadiangga' to tangsipato' menjaji raja, apa te'da nadikalannai naratu kalasi, narampai to karajaanna.

Daniel 11:24

Tangdikalannai natamaii to padang kaminang malompo lan joo karajaanna, namane' rrampai to ewanan. Mangkai joo too natawa-tawai lako taunna to ewanan narampa. Mpugauk panggaukan to te'dapa napugaukki tojolona. Mangngattai la ngkuasai pira-pira to benteng, apa ci'di'ra wattunna.

Daniel 7:11

Kukita tarruhhi, sanga ia joo tanduk biccu' matampo bang unapi mangkada, namane' dipatei to olok-olok mangpennappa', na ia to kalena dipembuangan tama api naarannai ma'bong.

Daniel 7:20

Madoang toona' nnissenni battuananna to sangpulo tanduk jao ulunna sola to tanduk biccu' mane' ollong arannai tirebu'i to tanduk denmo jolona napollo. Ia to tanduk biccu' den matanna na ia to timunna mpau kada matampo. La'bih mejangngaran ia na ia to tanduk laenna.

Daniel 7:25

La mpaui kada to nnewa Allataala Tomala'bih, nasessa tooi to umma'-Na. La mpengkulle-kullei ssullei atoran sola wattu pangmaroasan to mangka Napattantu Allataala, naparentai to umma'-Na Allataala tallung taun sitangnga.

Daniel 7:8

Ia tongkukita unapi to tandukkuna, tuo omi mesa' to tanduk biccu' jio paralla'na, na tirebu'i to tallu tanduk jolona anna sipolloran. Na ia joo tanduk mane' tuo kemata susi mata tau na ia to timunna mpau kada matampo.

Daniel 8:22

Ia joo appa' tanduk tuo pole' tonna mangka le'to joo tanduk jolona, battuananna ia joo karajaan Yunani la menjaji appa' karajaan. Apa moi mesa' te'da na la pada kamawatanganna to karajaan Yunani jolona.”

Daniel 8:24

Naliwa' mawatang, apa tangngia kamawatanganna mesa. La nacappu'i ngasan sininna to tonnewai. Ia to apa nakadoangngi la keassele' ngasan. La nataloi to tomakuasa, na la nnancuru' too umma'-Na Allataala.

Daniel 8:25

Gaja mangngakkalanni na nnuraga buda tau. Nnangga' majao bang kalena, liwa' matampo. Te'da napau-paui, na te'da nakalannai tau nata'pa nnancuru'i. Moi Allataala, Raja ngkuasai sininna raja, naewa too. Katampakanna ditaloi, apa tangngia tolino ntaloi.

Matius 23:32

Ia ke susii joo, patarruh pissen bangmi to dosa napugaukmo tojolomi.

1 Tesalonika 2:16

Kannori naanggaikan mpangpeissenan karebanna Puang Isa lako bangsa tangngia to-Yahudi anna wa'ding dipasalama'. Susimi joo sakerangngan-rangnganna to dosana takkaliwa'mo budanna. Na katampakanna la nasessai Puang Allataala.

1 Timotius 4:1

Napamanassai Roh Allataala kumua, ia to wattu la dioloi lako, den ba'tu pira-pira tau la mentangmatappa' pole' lako Puang Isa Almaseh. Ia tuu lako tau la menturu' lako roh mangpalao sala na nturu' pangngajaranna setang.

Pengkitanna Yahya 19:20

Apa ditalomi anna dijokko joo olok-olok sola nabi tangtongan, namane' dipembuangan tuo tama api colo' manglanya-lanya. (Ia to nabi tangtongan iamo to mangka mpugauk tanda makalaen-laen jio olona joo olok-olok. Ia joo tanda napake joo olok-olok mpalao sala tau to den tandana joo olok-olok jio kalena na ssompa tooi joo tau-taunna.)