Daniel 8:21 - Alkitab Duri

²¹ Ia to beke muane, iamo to karajaan Yunani. Na ia to tanduk matonggo jio paralla' matanna, iamo to bungah rajana.

Daniel 8:21 ပူးပေါင်းရင်းမြစ်များ

Daniel 10:20

Nakua mpebalina' joo malaeka' mangrupa tau, ‘Muissenraka saba'na kuratu ssikitanko? Ratuna' mpauanko apa to diuki' lan Sura' Katonganan. Cingga'tu'mora kumale pole' sirari malaeka' gaja' to ngkuasai Persia. Mangkai joo too ratu todai to malaeka' ngkuasai Yunani. Moi mesa' te'da to ntulungna' nnewai saliwanna malaeka' Mikhael, to ngkuasai Israel bangsamu.

Daniel 11:2

Mpatarruhhi kadanna joo malaeka' mangrupa tau lako aku' Daniel nakua, ‘Ia to la kupauanko nang la jaji. La den unapa tallu raja la mangparenta jio Persia, namane' den raja mangpennappa' to la'bih sugih na ia joo raja tallu jolona, na ia ke memmawatangmi sanga kasugiranna la rrasimi sininna bangsa nnewa karajaan Yunani.

Daniel 11:3

La den pole'pa mesa' raja liwa' mawatang la mparenta karajaan gaja luah, na mpupangngelohna bang elohna.

Daniel 2:39

Apa ia tonna te'damo tamangparenta, la den pole' omi tomangparenta laen, apa te'damo napada kamawatanganna kaparentanta'. Sitarruhna ollong omi to kaparentan mangpentallun, iamo na pangpekitan joo tambaga jio patung, to la ngkuasai sininna lino.

Daniel 7:6

Ngkita omo' olok-olok laen susi cinggallung, na kepani' susi pani' langkan appa' jao boko'na, na appa' ulunna, nadiben kakuasan mangparenta.

Daniel 8:20

Ia joo mesa' bembala' muane mukita den tandukkuna dua, iamo to karajaan Media sola Persia.

Daniel 8:22

Ia joo appa' tanduk tuo pole' tonna mangka le'to joo tanduk jolona, battuananna ia joo karajaan Yunani la menjaji appa' karajaan. Apa moi mesa' te'da na la pada kamawatanganna to karajaan Yunani jolona.”