Daniel 8:17 - Alkitab Duri

¹⁷ Jaji ratumi Jibrail jio to kunii ke'deh. Ia tonna mandoppi'mo liwa'mo' malaja', kusongka do' litak jio olona. Nakua lako aku', “Ee, tolinoko, apa nang la parallu muissen kumua ia joo pengkitammu iamo to la jaji ke la Kama'mi lino.”

Daniel 8:17 ပူးပေါင်းရင်းမြစ်များ

Daniel 10:11

Mangkadami joo malaeka' mangrupa tau lako aku' nakua, ‘Ee Daniel, Napakamoja'ko Puang Allataala. Ke'dehmoko mupesa'dingngi tee pepasanku', sanga Nasuana' Puang Allataala ratu lako iko.’ Ia tongkusa'dingmi joo kadanna malaeka', ke'dehna' nambe'beh to ajeku'.

Daniel 10:16

Namane' ssapu timungku'. Kupangkadaii kukua, ‘Ie' puang, ia tee pengkita mpupemmalammana' na te'da lalomo kapakulleanku'.

Daniel 11:27

La cumadokkoi joo raja sola dua nakumande, apa gaja' akkattana sola dua na siuraga. Te'da najaji joo akkattana, nasaba' te'dapa nadete'i wattunna to Napattantu Puang Allataala.

Daniel 11:40

Ia tonna mangkatampakanna joo wattu, la nararii Raja Mesir. Namane' la mangpabalahhi to raja jajanna liu mpake bendi kapararian, surudadu mangnyarang, na den too buda kappala'na. Ia to surudadunna liwa' buda la ssamboi buda kampong susi bangmi wai saba'.

Daniel 12:13

Apa iko Daniel, tatta' bangko matappa' te'da anggena, la mateko, apa la tuo pole'ko mutarima pahala jio ahera'.’ ”

Daniel 12:4

Mangkada omi joo malaeka' mangrupa tau nakua, ‘Ee Daniel, anna meloi tee sura', mutatta' njagaii ratu lako Kama'na lino. Buda tau male lako male jio mai madoang nnissenni, dikua nakerangngan to kapaissenanna.’

Daniel 2:46

Suju'mi Raja Nebukadnezar massompa jio olona Daniel, napangparentan tooi anna passompan gandum to tau na ntunu dupa mpakala'bih Daniel.

Daniel 7:16

Jaji malena' mpendete'i to mesa' tau ke'deh jio, angkukutanaii kumua apa battuananna joo kukita anna pauanna' battuananna, nakua,

Daniel 8:15

Ia tee aku' Daniel, tongkukitai joo pengkita, kupengkullei mpahangngi to battuananna, nata'pa ke'deh jio oloku' to mangrupa tau.

Daniel 8:19

Namangkada pole' Jibrail lako aku' nakua, “La kupauanko apa to la jaji ke la Kama'i lino, Napugaukki Allataala to kamabirisan la'da'na.

Daniel 8:27

Ia tongkumangka ngkitai joo pengkita, masakina' ba'tu pirang-pirang allo masainna. Mangkai joo too, mi'cokmo' kupugauk pole'i to nasuanna' raja. Apa masussa bangna' mpikkiri'i joo pengkita na te'da kupahangngi.

Daniel 9:23

Ia tommumangpamulamo massambajang meta'da lako Puang Allataala, Napebaliimoko, kuratu mpauanko, sanga to-Napakamoja' tonganko Puang Allataala. Iamo joo na la mupesa'dingngi meloi kupauan ngasanko battuananna joo pengkita.

Daniel 9:27

Ia joo raja nggaraga basse mabanda' lako tau buda pitung taun masainna. Ia tonna mattangnganmo joo wattu tangnaeloranni to karoba sola passompan dipugauk. Na den to liwa' mecarepan to disanga ‘Kagajatan to mesolangan’ la dipatama Bola Puang Allataala, na la lan tarruh, angge lako wattu to Napattantu Puang Allataala nanii lanynya'ii joo raja.”

Matius 17:8

Ia tonna mengkitamo, te'da bangmo tau laen nakita saliwanna Puang Isa mandamo.

Pengkitanna Yahya 1:17

Tirokonna' jio olo-Na susi tomate dikita, apa natoena' lima kanan-Na namangkada kumua, “Danggi' mumalaja'! Aku'mo pamulanna sola cappa'na.

Pengkitanna Yahya 22:8

Ia tee aku' Yahya to mangka ssa'dingngi sola ngkita ngasanni tee. Ia tongkumangkamo ssa'dingngi sola ngkitai, suju'mo' jio olona la ssompai joo malaeka' to mangka mpakitanna'.