Daniel 8:13 - Alkitab Duri

¹³ Sitarruhna, kusa'dingngi to dua malaeka' sipangkada. Ia to mesa' malaeka' mekutana nakua, “Pirara masainna la jaji joo apa lan pengkita? Pirara masainna te'da na diparinawa to karoba keallo-keallo nasaba' ia joo kagajatan mesolangan? Pirara masainna joo Bola Puang Allataala disorong lako kuasanna tanduk biccu' anna ia to surudadunna Allataala nalese-lese?”

Daniel 8:13 ပူးပေါင်းရင်းမြစ်များ

Daniel 11:31

La nasuai to surudadunna la ncarepai Bola Puang Allataala ba'tu bentengna la nta'dei to pangkaroba to dipugauk keallo-keallo napake'dehhi to apa mecarepan to disanga “Kagajatan to mesolangan”.

Daniel 12:11

Mangpamula tonna dita'dei to pangkaroba to dipugauk keallo-keallo nadipake'deh to apa liwa' mecarepan to disanga “Kagajatan to mesolangan” lan Bola Puang Allataala, la den 1290 allona.

Daniel 12:8

Ia tee aku' Daniel, kusa'ding ngasan to kada napau malaeka', apa te'da kupahangngi apa battuananna joo nasanga. Jaji kukutanaii kukua, ‘Ie' puang, apara la jaji ke cappa'mi joo kajajian la'da'?’

Daniel 4:10

Ia tongkuleppeng, mangtindona', na lan tindoku', kukitai to barana' gaja liwa' tande tuo lan tangngana lino.

Daniel 4:13

Kumane' ngkitai lan tindoku', den mesa' malaeka' pangjaga mellao jao mai langi'.

Daniel 4:23

Takita tooi to mesa' pangjaga, iamo malaeka'-Na Allataala, mellao jao mai langi', to mangkada nakua, “Ta'bangngi tee barana' na danggi'mo natuo, apa ajanni lan litak to garonto' sola waka'na, la'ka'i rante bassi sola tambaga jio tangnga reu. Ake'mo nabosokkii ambun jao mai langi' natuo sola olok-olok pitung taun masainna.”

Daniel 7:16

Jaji malena' mpendete'i to mesa' tau ke'deh jio, angkukutanaii kumua apa battuananna joo kukita anna pauanna' battuananna, nakua,

Daniel 7:23

Iamo tee battuananna pengkitangku' to napauanna' joo tau, ‘Ia to olok-olok mangpennappa' iamo kaparentan mangpennappa' to la ollong lan lino, to te'da nasusi to tallu kaparentan jolona. Ia joo kaparentan la nnancuru' lino naamma'i nalullu' tooi to sesanna.

Daniel 9:27

Ia joo raja nggaraga basse mabanda' lako tau buda pitung taun masainna. Ia tonna mattangnganmo joo wattu tangnaeloranni to karoba sola passompan dipugauk. Na den to liwa' mecarepan to disanga ‘Kagajatan to mesolangan’ la dipatama Bola Puang Allataala, na la lan tarruh, angge lako wattu to Napattantu Puang Allataala nanii lanynya'ii joo raja.”

Matius 11:27

Nakuapa Puang Isa, “Sininna apa mangka ngasanmo' naben Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.

Matius 24:15

Mpatarruhhi kadan-Na Puang Isa nakua, “La ngkita kamu' ‘apa to liwa' mecarepan’ dipake'deh lan Bola Puang Allataala, susi to mangka napau Nabi Daniel. (Ia to tombacai tee, la naissen meloi apa battuananna!)

Markus 13:14

Mpatarruhhi kadan-Na Puang Isa nakua, “La ngkita kamu', ‘apa to liwa' mecarepan’ dipake'deh jio ngenan to tangsipato'na nanii. (Ia to tombacai tee la naissen meloi apa battuananna!) Ia joo wattu, ia to totorro jio tana Yudea la palai de' membuntunna.

Lukas 10:22

Nakuapa Puang Isa, “Sininna apa naben ngasanmo' Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.”

Lukas 21:20

Mangkai joo too nakuamo Puang Isa, “Ia ammikitami joo kota Yerusalem natalimbung surudadu, la miissen kumua te'damo namasai na la diro'pokan.

Lukas 21:24

Denni to la dipa'dangngi, den tooi to la dijokko nadipali' lako mangrupa-rupa tondok. Na ia to bangsa tangngia to-Yahudi la ssolang-solangngi joo kota Yerusalem angge wattu to napattantu Puang.”

Yahya 1:18

Moi mesa' tau te'dapa ngkita Puang Allataala, saliwanna ia to Anak tungga'-Na, Ia bang una Puang Allataala, to torro sola. Iamo mpamanassai lako kita' to Ambe'.

1 Tesalonika 3:13

Na dennaa upa' napamawatangngi Puang penawammi, anna te'da dosami na te'da caccami jio olo-Na Puang Allataala, Ambe'ta', ke ratu pole'i Puangta' Puang Isa sola sininna taun-Na.

Ibrani 10:29

Tantu la'bih disessai to tocia'mo matappa' lako Almaseh. Ia tuu lako tau susi to llese-lese Anak Allataala. Te'da toomo naangga'i to rara basse-Na Puang Allataala, iamo to kamatean-Na Almaseh, to mangka mpupenjaji tau, tau mesan-Na Puang Allataala. Te'da too naangga'i to Roh Allataala to nabenki' Puang Allataala, sanga kameloan penawan-Na.

1 Petrus 1:12

Napauanni Puang Allataala tuu lako nabi, kumua ia joo apa napau jolo te'da nadipatuju lako kalena apa lakora kamu'. Na ia joo apa napau jolo tonna anu' mangka misa'ding tee too, sanga den tau mpangpeissenanni lako kamu' mpake kuasan-Na Roh Allataala to pole jao mai suruga. Na moi malaeka' madoang too mpelalanni joo apa dipau jolo.

Yudas 1:14

Den kadanna Nabi Henokh tonna anu' mpau joloi tee mai guru tangtongan. Ia joo Nabi Henokh to mangpempitu jio mai Nabi Adam. Nakua kumua, “Kitai! La ratui Puang sola massa'bu-sa'bu malaeka'-Na.

Pengkitanna Yahya 11:2

Apa danggi' omo musuka'i to rante saleananna, sanga ia joo saleanan mangkamo dipangben lako totangnnissenna'. Ia tuu mati' totangnnissenna' la ssolang-solangngi joo kota-Ku' kota Yerusalem patang pulo dua bulanna.

Pengkitanna Yahya 6:10

metambai nakua, “Oo Puang, matonggo kuasan-Ta', mala'bih na tongan. Pirapara masainna tamane' mbicarai tapabalahhii tee tolino to mangkamo mbunokan?”