Daniel 8:11 - Alkitab Duri

¹¹ Naewai to tongkapalai surudadu jao suruga, nata'tanni to tau mangkaroba keallo-keallo lako joo tongkapalai surudadu jao suruga. Nacarepai tooi to Bola Puang Allataala.

Daniel 8:11 ပူးပေါင်းရင်းမြစ်များ

Daniel 11:22

Sininna to surudadu ratu nnewai, moi to raja mangka nasibassean la nalanynyasan ngasan.

Daniel 11:31

La nasuai to surudadunna la ncarepai Bola Puang Allataala ba'tu bentengna la nta'dei to pangkaroba to dipugauk keallo-keallo napake'dehhi to apa mecarepan to disanga “Kagajatan to mesolangan”.

Daniel 12:11

Mangpamula tonna dita'dei to pangkaroba to dipugauk keallo-keallo nadipake'deh to apa liwa' mecarepan to disanga “Kagajatan to mesolangan” lan Bola Puang Allataala, la den 1290 allona.

Daniel 5:23

La'bih tapamajao to kaleta' na ia to Puang Allataala jao suruga, barani tooki' massua nnalai to isotan, to narampa ambe'ta' lan mai Bola Puang Allataala ba'tu piran, tapake mangngiso' sola baineta' na baine laenta' sola to tomajao pangka'na. Tapakala'bih too dewata to te'da napakita ba'tu te'da napasa'ding sola te'da napaissen to dikabua' jio mai bulawan, salaka, tambaga, bassi, kaju na batu. Te'da tametaratte' lako Allataala to ntoe sunga' na lalan katuoanta'.

Daniel 7:25

La mpaui kada to nnewa Allataala Tomala'bih, nasessa tooi to umma'-Na. La mpengkulle-kullei ssullei atoran sola wattu pangmaroasan to mangka Napattantu Allataala, naparentai to umma'-Na Allataala tallung taun sitangnga.

Daniel 8:12

Kagajatanna to tanduk biccu' na te'damo tau mangkaroba keallo-keallo. Na ia to surudadunna Allataala disorongmo lako kuasanna joo tanduk biccu'. Susimi joo nakeassele' ngasan to apa napugauk.

Daniel 8:24

Naliwa' mawatang, apa tangngia kamawatanganna mesa. La nacappu'i ngasan sininna to tonnewai. Ia to apa nakadoangngi la keassele' ngasan. La nataloi to tomakuasa, na la nnancuru' too umma'-Na Allataala.

Daniel 8:25

Gaja mangngakkalanni na nnuraga buda tau. Nnangga' majao bang kalena, liwa' matampo. Te'da napau-paui, na te'da nakalannai tau nata'pa nnancuru'i. Moi Allataala, Raja ngkuasai sininna raja, naewa too. Katampakanna ditaloi, apa tangngia tolino ntaloi.

Daniel 9:25

Ingaran meloi kumua mangpamula dipasun to parenta la mpemeloi pole' kota Yerusalem sanggenna ratu to to-Napilei Puang Allataala la mangparenta, den pitu manglokkon pitung taun na pitu manglokkon annanpulona dua taunna. La digaraga pole'i to lalan jio kota Yerusalem na la dibenteng mengguririk tooi, apa kamaparrisan la'da' joo wattu.

Lukas 21:24

Denni to la dipa'dangngi, den tooi to la dijokko nadipali' lako mangrupa-rupa tondok. Na ia to bangsa tangngia to-Yahudi la ssolang-solangngi joo kota Yerusalem angge wattu to napattantu Puang.”

2 Tesalonika 2:4

Ia joo Togaja' la nnewa Puang Allataala. Gaja burru' ia, sanga nakita majiong ngasan to nasompa tolino. Ia mandamo ssanga tau kalena, anna male cumadokko tama Bola Puang Allataala mpangpeissenan kalena kumua “Aku'mo Puang Allataala”.

Ibrani 2:10

Mangkamo napaden, naampai tarruh tooi Puang Allataala to sininna apa. Naakkattai anna buda tau nasolan Puang Isa lako kamala'biran. Iamo joo napattantui kumua sipato' to Puang Isa mperasai parri' ratu lako mate-Na anna menjaji Tomangpasalama' te'da caccana ba'tu kakuranganna, nawa'ding mpasalama' tau.

Pengkitanna Yahya 17:14

Namane' mangrari joo olok-olok sola tuu lako raja nnewa Anak Bembala'. Apa ia joo Anak Bembala' ntaloi sola tau matappa'-Na, sanga iamo Puangna sininna puang na Rajana sininna raja.” Ia to taun-Na, iamo to mangka napilei anna pakedoi penawanna.