Daniel 7:8 - Alkitab Duri

⁸ Ia tongkukita unapi to tandukkuna, tuo omi mesa' to tanduk biccu' jio paralla'na, na tirebu'i to tallu tanduk jolona anna sipolloran. Na ia joo tanduk mane' tuo kemata susi mata tau na ia to timunna mpau kada matampo.

Daniel 7:8 ပူးပေါင်းရင်းမြစ်များ

Daniel 11:36

Napugauk bang raja karajaan jajanna liu to apa nakadoangngi. Namenjaji matampo, nnangga' kalena la'bih mala'bih na ia to sininna dewata. La'bih-la'bih liwa' ncapa' Allataala to makuasa. La jaji ngasan susi to nakadoangngi arannai naperasai to kamabirisan-Na Puang Allataala. Nasaba' ia to mangka Napattantu Puang Allataala nang la jaji.

Daniel 7:19

Madoangna' nnissenni apa battuananna joo olok-olok mangpennappa', to te'da nasusi olok-olok laenna, to liwa' melajatan. Ia to isinna bassi, na ia to kanukunna tambaga, nagaru'tukki bang naamma'i to apa nakande, nalullu' bangngi to sesanna.

2 Tesalonika 2:4

Ia joo Togaja' la nnewa Puang Allataala. Gaja burru' ia, sanga nakita majiong ngasan to nasompa tolino. Ia mandamo ssanga tau kalena, anna male cumadokko tama Bola Puang Allataala mpangpeissenan kalena kumua “Aku'mo Puang Allataala”.

2 Timotius 3:2

Tangsiissenanmo to tau, doi' mandamo napikkiri', namatampo. Nakabudai ncapa' tau, nnewa tomatuanna, tangnaissen to penawa melo na tangkasiri' Puang Allataala.

2 Petrus 2:18

Mangkada matampo joo guru tangtongan, apa tangkebattuan to kadanna. Ia to pangngajaranna nneloran bang tau manggauk sala. Na iamo napake ssedei to tomane' messarak jio mai solana to gaja'pa sipa'na namale pole' manggauk sala.

Yudas 1:16

Ia joo guru tangtongan mangnuku-nuku tarruh, namangpasala bang. Pada nturu' bangri kamadoangan gaja'na. Matampo ncuritai to sininna apa napugauk. Nasedei to tau laen nakua anna kesaro.

Pengkitanna Yahya 13:1

Ngkita omo' mesa' olok-olok endek jiong mai tasik, ketanduk sangpulo na pitu ulunna. Ia to tandukkuna pada mpake mahkota. Na ia to ulunna pada den sanga diuki' jio to ncapa' Puang Allataala.

Pengkitanna Yahya 9:7

Ia tuu lako batik susi bang nyarang dipasadia la mangrari, dipapakei too susi mahkota bulawan. Na ia to lindona susi lindo tau,