Daniel 7:7 - Alkitab Duri

⁷ Mangkai joo too, kukita omi lan tindoku', den omo olok-olok mangpennappa', gaja watang naliwa' melajatan. Ia to isinna bassi na gaja tonggo. Nagaru'tukki bang naamma'i to apa nakande, na ia to sesanna nalullu'. Silaenan ia na ia to olok-olok jolona, sangpulo toopa ia tandukkuna.

Daniel 7:7 ပူးပေါင်းရင်းမြစ်များ

Daniel 2:19

Ia bang unamo joo bongi, Napangpekitanni Allataala lako Daniel lan mesa' pengkita to apa membuni lan joo tindo. Iamo joo na mpakala'bih Allataala jao suruga to Daniel

Daniel 7:13

Kukita tarruh lan tindoku' joo bongi, na den kukita susi Anak Mentolino ratu jao mai langi' nabombonni saleu', nadisolan male mangngolo lako Puang to tuo te'da anggena.

Daniel 7:2

“Lan pengkitangku' joo bongi kukitai to angin bara' mangngiri' jio mai appa' sulapa' rroge tasik maluah.

Daniel 8:10

Samatonggo-tonggonai to tanduk mane' tuo, arannai ganna' to kamawatanganna nnewai to bintuin jao langi' sola surudadu jao suruga. Na den ba'tu pira-pira to napenca'bean do' litak nalese-lesei.

Daniel 8:22

Ia joo appa' tanduk tuo pole' tonna mangka le'to joo tanduk jolona, battuananna ia joo karajaan Yunani la menjaji appa' karajaan. Apa moi mesa' te'da na la pada kamawatanganna to karajaan Yunani jolona.”

Pengkitanna Yahya 12:3

Ta'pa dikita pole' omi to tanda mejangngaran jao langi'. Den mesa' naga malea liwa' tonggo, ulunna pitu na sangpulo tandukkuna. Ia tuu lako ulunna pada mpake mahkota.

Pengkitanna Yahya 13:1

Ngkita omo' mesa' olok-olok endek jiong mai tasik, ketanduk sangpulo na pitu ulunna. Ia to tandukkuna pada mpake mahkota. Na ia to ulunna pada den sanga diuki' jio to ncapa' Puang Allataala.

Pengkitanna Yahya 17:12

Ia joo sangpulo tanduk mukita, iamo sangpulo raja to te'dapa napamulai mangparenta. Apa la dipakuasai mangparenta sangjang sola joo olok-olok.

Pengkitanna Yahya 17:7

Anna kuanna' joo malaeka', “Ciapari mujangngah? La kupauanko to apa tangkaissenan joo baine na ia joo olok-olok nasakei, to keulu pitu na ketanduk sangpulo.

Pengkitanna Yahya 17:8

Ia tuu olok-olok mukita denmo natuo tonna anu', apa matemi too. Na cingga'tu'mora naendek jiong mai posi' tana, apa la dicallai te'da cappa'na. Ia to totuo lan lino to te'da nadiuki' sanganna lan Sura' Katuoan tonna te'dapa nadipaden tee lino, la jangngah ngkitai, sanga ia joo olok-olok tuomo jolona, na matemo, o naden pole' omi.