Daniel 7:5 - Alkitab Duri

⁵ Den omi olok-olok mangpenduanna susi beruang, ke'dehhi, apa ia manda to aje undinna napupellese, na den tallu buku bamban nakengke. Na den gamara kusa'ding ngkuanni, ‘Ee, kandemoko juku' sabarahmu.’

Daniel 7:5 ပူးပေါင်းရင်းမြစ်များ

Kada Bulawan 17:12

La'biranmo to sitammu asu lampung ta'de anakkana, na ia to sitammu tobattuk mangpanggaukan bango'.

Daniel 11:2

Mpatarruhhi kadanna joo malaeka' mangrupa tau lako aku' Daniel nakua, ‘Ia to la kupauanko nang la jaji. La den unapa tallu raja la mangparenta jio Persia, namane' den raja mangpennappa' to la'bih sugih na ia joo raja tallu jolona, na ia ke memmawatangmi sanga kasugiranna la rrasimi sininna bangsa nnewa karajaan Yunani.

Daniel 2:39

Apa ia tonna te'damo tamangparenta, la den pole' omi tomangparenta laen, apa te'damo napada kamawatanganna kaparentanta'. Sitarruhna ollong omi to kaparentan mangpentallun, iamo na pangpekitan joo tambaga jio patung, to la ngkuasai sininna lino.

Daniel 5:28

Ditawa-tawa battuananna, ‘Ia to karajaanta' ditawa-tawa nadiben to-Media sola to-Persia.’ ”

Daniel 7:4

Ia to bungahna endek, susi singa na kepani' susi pani' langkan. Ia tongkukita unapi, ia to pani'na tirebu', natiangka' jio mai litak dipake'dehhi to ajena dua susi tolino, nadiben toopa penawa susi tolino.

Daniel 7:6

Ngkita omo' olok-olok laen susi cinggallung, na kepani' susi pani' langkan appa' jao boko'na, na appa' ulunna, nadiben kakuasan mangparenta.

Pengkitanna Yahya 13:2

Ia joo olok-olok kukita susi macang tutul, ia to ajena susi aje beruang na kasongona susi kasongo singa. Kamawatanganna naga sola cadokkoan mala'bihna na kuasanna to liwa' tonggo nabenni joo olok-olok.