Daniel 7:2 - Alkitab Duri

² “Lan pengkitangku' joo bongi kukitai to angin bara' mangngiri' jio mai appa' sulapa' rroge tasik maluah.

Daniel 7:2 ပူးပေါင်းရင်းမြစ်များ

Daniel 11:4

Apa te'da namasain mangparenta joo raja natitawa appa' joo karajaanna, situru' appa' sulapa'. Na ia to raja ssullei tangngiamo bati'na, na te'damo nasusi kamawatanganna. Saba' titawami joo karajaan naparentai tolaen.

Daniel 2:19

Ia bang unamo joo bongi, Napangpekitanni Allataala lako Daniel lan mesa' pengkita to apa membuni lan joo tindo. Iamo joo na mpakala'bih Allataala jao suruga to Daniel

Daniel 7:13

Kukita tarruh lan tindoku' joo bongi, na den kukita susi Anak Mentolino ratu jao mai langi' nabombonni saleu', nadisolan male mangngolo lako Puang to tuo te'da anggena.

Daniel 7:7

Mangkai joo too, kukita omi lan tindoku', den omo olok-olok mangpennappa', gaja watang naliwa' melajatan. Ia to isinna bassi na gaja tonggo. Nagaru'tukki bang naamma'i to apa nakande, na ia to sesanna nalullu'. Silaenan ia na ia to olok-olok jolona, sangpulo toopa ia tandukkuna.

Daniel 8:2

Lan joo pengkita, jiona' benteng Susan jio propinsi Elam tana Persia. Ke'dehna' jio randan Sa'dan Ulai.

Daniel 8:8

Ia joo beke muane la'bih memmawatang, apa ia tonna liwa'mo mawatang, le'toi joo tanduk matonggona. Na ia to nanii le'to joo tandukkuna, tuo pole'i to appa' tanduk makalaen-laen, to pada tingngo lako appa' sulapa'.

Matius 24:31

Dipannonii to tarompe' gaja tonggo, angkumane' ssuai to malaeka'-Ku', rrempun ngasanni to taung-Ku' jio mai sulapa'na lino.”

Pengkitanna Yahya 17:15

Nakuan toona' joo malaeka', “Ia joo sa'dan mukita to randanna nanii baine bandarang, iamo sininna tobuda, tondok, basa na bangsa lan lino.

Pengkitanna Yahya 7:1

Mangkai joo too ngkitana' a'pa' malaeka' ke'deh jio sulapa'na lino. Pada natampangngi to angin, danggi' namangngiri' jao gantanan, jiong tasik ba'tu jio garonto' kaju.