Daniel 7:18 - Alkitab Duri

¹⁸ Apa Allataala Tomala'bih mbenni kuasa to umma'-Na mangparenta, na ia joo kaparentanna la tarruh te'da anggena.’

Daniel 7:18 ပူးပေါင်းရင်းမြစ်များ

Daniel 7:14

Namane' dibarakka'i kakuasan sola kamala'biran menjaji raja joo Anak Mentolino, arannai ratu to tau jio mai sininna bangsa, rapu tau na basa ssompai. Ia to kakuasanna tatta' te'da anggena, na ia to kaparentanna te'da nalata'de.

Daniel 7:17

‘Ia to appa' olok-olok matonggo, iamo to appa' kaparentan la ollong lan lino.

Daniel 7:22

Apa ratumi Puang to tuo te'da anggena Napattantui kumua te'da ia na sala to umma'-Na Allataala Tomala'bih. Jaji nadete'mi wattunna la mangparenta to umma'-Na Allataala.

Daniel 7:25

La mpaui kada to nnewa Allataala Tomala'bih, nasessa tooi to umma'-Na. La mpengkulle-kullei ssullei atoran sola wattu pangmaroasan to mangka Napattantu Allataala, naparentai to umma'-Na Allataala tallung taun sitangnga.

Daniel 7:27

Na ia to kamangparentan, kakuasan sola kamala'biranna kaparentan lan sininna lino la dipangbengan lako umma'-Na Allataala Tomala'bih. Ia to kaparentanna la tarruh te'da anggena, na sininna tomakuasa la tatta' mpangjamanni na mangpesa'ding.’

Lukas 1:33

Na la mparenta bati'na Yakub. Na ia to kadatuan-Na te'da cappa'na.”

1 Korintus 6:2

Tantu miissenmo kumua umma'-Nara Puang Allataala to la mbicarai to tolino. Na ia ke susii joo, na tantu moi kara-kara biccu' mikulle too rra'tahhi.

Efesus 1:3

Pakala'bihhi Puang Allataala, Ambe'-Na Puangta' Puang Isa Almaseh! Iamo mangka mbenki' sininna barakka' jao mai suruga, nasaba' memmesa'miki' sola Almaseh.

Efesus 6:12

Nasaba' tangngia padanta' rupa tau to taewa, apa nnewaki' sininna tomakuasa ba'tu to mparentai tee lino gaja', sola sininna setang to mangparenta jao langi' tee wattu.

Pengkitanna Yahya 20:4

Mangkai joo too ngkita omo' ba'tu pira-pira cadokkoan mala'bih, na ia to cumadokko jao diben kuasa mangra'tah kara-kara. Kukita tooi bombona to todile'toi ulunna, sanga mpangpeissenanni karebanna Puang Isa na kadan-Na Puang Allataala. Ia tuu lako tau te'da ia nasompai to olok-olok sola tau-taunna. Te'da too natarimai to tandana joo olok-olok to dipajio kide na lima. Tuo pole'i namangparenta sola Almaseh sangsa'bu taunna.

Pengkitanna Yahya 22:5

Te'damo naparallu naarrang lampu ba'tu allo, nasaba' masiang tarruh bang ia, te'da disanga bongi. Puang Allataala Ia nnarrangngi. Ia tuu lako tau la mangparenta susi raja te'da cappa'na.

Pengkitanna Yahya 3:21

Ia to topatalo kueloran cumadokko jio sa'de-Ku' jao cadokkoan mala'bih-Ku' mangparenta. Susi Aku' patalomo' na cumadokkomo' sola Ambe'-Ku' jao cadokkoan mala'bih-Na kumangparenta sola.

Pengkitanna Yahya 5:10

Na ia to tau taallimo tapupenjajimo mesa' kadatuan imang, anna la mpangjaman Puangki' Puang Allataala nalamangparenta lan lino.”