Daniel 7:13 - Alkitab Duri

¹³ Kukita tarruh lan tindoku' joo bongi, na den kukita susi Anak Mentolino ratu jao mai langi' nabombonni saleu', nadisolan male mangngolo lako Puang to tuo te'da anggena.

Daniel 7:13 ပူးပေါင်းရင်းမြစ်များ

Daniel 2:44

Mangkamo takita to batu lan tindota', to kumua te'da ia tau rrumbui, na tilu'bak jao mai buntu, nabasai nasisarambuan joo patung to dikabua' jio mai bassi, tambaga, litak pitti', salaka na bulawan. Battuananna: ia tonna mangparenta unapa to raja, ia to Allataala jao suruga la mpaden kaparentan tatta' te'da anggena, na te'da lalo ia to bangsa la ntaloi. Kaparentan iamo joo la nnancuru'i joo appa' kaparentan. Napangpeissenanni Allataala Tomala'bih lako kita' to apa la dioloi lako. Ia joo tindo wa'ding dikatappa'i, na ia to battuananna kupau tongan.”

Daniel 7:12

Te'damo naeloranni Puang to olok-olok laen mangparenta, apa naeloran unapa tuo ratu lako wattu to pura dipattantuanni.

Daniel 7:2

“Lan pengkitangku' joo bongi kukitai to angin bara' mangngiri' jio mai appa' sulapa' rroge tasik maluah.

Daniel 7:22

Apa ratumi Puang to tuo te'da anggena Napattantui kumua te'da ia na sala to umma'-Na Allataala Tomala'bih. Jaji nadete'mi wattunna la mangparenta to umma'-Na Allataala.

Daniel 7:9

Kupematai tarruhhi, naden to ba'tu pira-pira to cadokkoan mala'bih dipasadia. Namane' cumadokko to Puang tuo tarruh te'da anggena la rra'tah kara-kara. Ia to bajunna sola beluakkana mabuccang susi kapah. Na ia to cadokkoanna na rodana dukku-dukku susi api.

Daniel 8:15

Ia tee aku' Daniel, tongkukitai joo pengkita, kupengkullei mpahangngi to battuananna, nata'pa ke'deh jio oloku' to mangrupa tau.

Matius 13:41

Aku' Anak Mentolino la ssua malaeka'-Ku' mpilei lan mai tangnga-tangngana umma'-Na Puang Allataala sininna to tompalao sala padanna rupa tau na tomanggauk gaja'.

Matius 24:30

Ia ke mangkai joo, pajanmi jao langi' to tanda karatuan-Ku' tee Aku', Anak Mentolino. Ia joo wattu sininna bangsa lan lino la sikarrakan ngkitana' ratu jao mai langi' lan saleu', makuasa na mala'bih too susi Raja.

Matius 25:31

Mpatarruhhi kadan-Na Puang Isa nakua, “Ia ke ratu pole'na' Aku', Anak Mentolino, sola sininna malaeka'-Ku' mpupangngarrang kamala'biran-Ku', la cumadokkona' jao cadokkoan mala'bih, angkumangparenta susi Raja.

Matius 26:64

Mebalimi Puang Isa nakua, “Ie', susi tuu tapaunna, Aku'mo. Katappa'i kumua, mammula tee wattu, la mikitana' tee Aku', Anak Mentolino, cumadokko jio sa'de kanan-Na Puang Allataala to makuasa, na la ratuna' jao mai langi' lan saleu'!”

Matius 28:18

Nakandoppi'mi to anak gurun-Na namangkada nakua, “Sininna kuasa la jao suruga, la lan lino, mangkamo diben lako Aku'.

Matius 8:20

Mebalimi nakua, “Cinggallun den ia lo'ko'na, sola manuk-manuk den ia serangna, apa ia tee Aku', Anak Mentolino, te'da ngenan kunii mamma'.”

Markus 13:26

Ia joo wattu, la nakitana' tau tee Aku', Anak Mentolino, ratu jao mai langi' lan saleu', makuasana' kumala'bih too susi Raja.

Lukas 21:27

Ia joo wattu, la nakitana' tau tee Aku', Anak Mentolino, ratu jao mai langi' lan saleu', makuasana' kumala'bih too susi Raja.

Lukas 21:36

Majaga kamu', mimassambajang, ammimawatang nnoloi sininna to apa la jaji, miwa'ding mangngolo lako Aku', Anak Mentolino.”

Lukas 24:27

Mangkai joo too nabattuanannimi Puang Isa to apa pura diuki' lan Sura' Allataala to ntuju kalena. Napamula jio mai sura'na Nabi Musa ratu lako sura'na nabi laen.

Yahya 12:34

Nakua to tobuda ngkuanni, “Menuru' to diuki' lan Sura' Allataala, ia to Raja Mangpasalama' la tuo te'da cappa'na. Matumbai takua kumua ia to Anak Mentolino la dipamajao lan lino? Indara pale' joo Anak Mentolino?”

Yahya 3:13

Na moi mesa' tau te'dapa ia endek de' suruga, apa mane' Aku'ra tee, Anak Mentolino, to pole jaomo mai.

Yahya 5:27

Mangka toomo mpangben kuasa lako Aku' la rra'tah kara-karana tolino, nasaba' Aku'mo Anak Mentolino.

Jamanna Rasulu' 7:56

Mangkadai nakua, “Wah, ngkitana' langi' titimbak na pajan to Anak Mentolino ke'deh jio sa'de kanan-Na Puang Allataala!”

1 Tesalonika 4:17

Mangkai joo too, kita' to tuopa diangka'miki' sola joo tomangka dipatuo pole' mentama saleu' tasitammu Puang Isa jao langi', antatorro tarruh sola.

1 Timotius 6:16

Ia manda to te'da nataloii kamatean. Moi mesa' tau te'da ssarai ngkandoppi'i to arrang nanii torro. Moi mesa' tau te'da ngkitai, nang la te'da tau ngkitai. Iamo tomakuasa dipakala'bih te'da cappa'na. Amin.

Ibrani 2:14

Ia tuu lako to nasanga anak, tolino ia. Iamo namentolino Puang Isa, anna menjaji susi tuu lako anak. Napugaukki susi joo, dikua anna ia to kamatean-Na wa'dingngi ntaloi Ballisi' to ngkuasai kamatean.

Ibrani 9:24

Na ia to Almaseh te'da namentama tenda passompan panggaraga tolino to bajo-bajona Tenda-Na Puang Allataala jao suruga. Apa mentamai suruga namangngolo lako Puang Allataala. Jaoi tee too la mpangkadananki'.

Pengkitanna Yahya 1:13

Den mesa' tau ke'deh lan tangnga-tangngana susi Anak Mentolino to mpake baju malando ratu do' aje-Na na ia to babara'-Na ditutu'i bulawan.

Pengkitanna Yahya 1:18

Aku'mo to tuo! Mangkamo' mate, apa tuo pole'mo' te'da cappa'na. Ngkuasaina' kamatean sola lino tomate.

Pengkitanna Yahya 1:7

Kitai, la ratumi natalimbung saleu'. La nakitai sininna bangsa lan lino, nasikarrakan, moi to tomangka ndokeii. Nang tongan! Amin.

Pengkitanna Yahya 14:14

Mangkai joo too kukitami den saleu' mabusa. Den susi tau cumadokko jao mpake mahkota bulawan, na ntoe sae' gaja taran.