Daniel 7:1 - Alkitab Duri

¹ Ia tonna taun pamulanna nanii mangparenta to Raja Belsyazar jio Babel, den sangbongi namangtindo Daniel. Ia tonna mamma' ngkitai pengkita to pole jio mai Allataala. Mangkai joo too nauki'mi Daniel to dipakitanni susi tee,

Daniel 7:1 ပူးပေါင်းရင်းမြစ်များ

Daniel 1:17

Allataala mbarakka'ii kapaissenan joo appa' kallolo anna macca nnissenni to mangrupa-rupa pangnguki' na mandalan pangtangngaranna lan sininna pangngajaran to diajaranni. Apa ia to Daniel Nabarakka'i pole'pa Allataala kapaissenan la mbattuananni tindo sola mpamanassa pengkita.

Daniel 2:1

Den sangbongi tonna taun mangpenduannamo Raja Nebukadnezar mangparenta, namangtindo. Ia joo tindona liwa' tangnapurapa' penawanna, arannai te'damo nakullei mamma' pole'.

Daniel 2:26

Mekutanai raja lako Daniel, to disanga too Beltsazar, nakua, “Wa'dingrokoka mpauanna' to apa kukita lan tindoku' sola battuananna?”

Daniel 4:13

Kumane' ngkitai lan tindoku', den mesa' malaeka' pangjaga mellao jao mai langi'.

Daniel 4:5

Arannai den sangbongi tongkumamma' mangtindona', na gaja laja'na' joo tindoku'. Tangnapurapa' penawangku', sanga ia joo pengkita lan tindoku'.

Daniel 5:1

Mpadenni pangmaroasan la'da' Raja Belsyazar natambai to tomajao pangka'na lan kaparentanna, sangsa'bu tau budanna, namangiso'-iso' anggoro' sola.

Daniel 5:22

Apa ia to kita' anakkana, cia'ki' mpamajiong kaleta' jio olo-Na Allataala, moi taissen ngasanmi joo.

Daniel 5:30

Bongi ia bang unamo joo nadipatei Belsyazar rajana to-Babel.

Daniel 7:13

Kukita tarruh lan tindoku' joo bongi, na den kukita susi Anak Mentolino ratu jao mai langi' nabombonni saleu', nadisolan male mangngolo lako Puang to tuo te'da anggena.

Daniel 7:15

Ia tee aku' Daniel malaja'na' na tangrapa' penawangku' ngkitai joo pengkita.

Daniel 7:7

Mangkai joo too, kukita omi lan tindoku', den omo olok-olok mangpennappa', gaja watang naliwa' melajatan. Ia to isinna bassi na gaja tonggo. Nagaru'tukki bang naamma'i to apa nakande, na ia to sesanna nalullu'. Silaenan ia na ia to olok-olok jolona, sangpulo toopa ia tandukkuna.

Daniel 8:1

Ia tonna taun mangpentallunnamo Raja Belsyazar mangparenta, ia tee aku' Daniel, napakitan pole'na' pengkita Allataala.

Amos 3:7

Iamo joo, nate'dapa apa Napugauk PUANG Allataala, ke te'dapi Napangpeissenanni jolo' lako nabi, tompangjaman Puang Allataala.

Roma 15:4

Sininna to diuki' lan Sura' Allataala nnajahhiki', dikua antasabbara' ke nakannaki' kamaparrisan, nasamawatang-watangna to rannunta' lako Puang Allataala.

2 Korintus 12:1

Te'da bua'na to tau mpuji kalena. Apa diparukuna' mpuji toda kaleku' to apa mangkamo napakitanna' Puang Allataala.

Pengkitanna Yahya 1:19

Iamo joo uki'i to apa mukitamo, to apa jajimo too, sola to apa la jaji.

Pengkitanna Yahya 10:4

Mangkanna gumarugu joo pitu galugu, kulannuki'i, apa den gamara kusa'ding jao mai suruga ngkuanna', “Pallan penawa bangmi to apa napau to pitu galugu. Danggi' omo muuki'ii!”