Daniel 6:7 - Alkitab Duri

⁷ Ta'pa male ngasanmi mangngolo lako raja, nakua, “Ie' puang, malambeh sunga'ki' tarruh-tarruh te'da anggena.

Daniel 6:7 ပူးပေါင်းရင်းမြစ်များ

Daniel 2:4

Mebalii mpake basa Aram to tomacca battuananni apa jaji jao langi' nakua, “Oo puang, malambeh sunga'ki' te'da anggena! Tacuritanmokan joo tindota', kipamanassai apara to battuananna.”

Daniel 3:11

Na inda-inda to te'da naturu'i tee parenta nang la dipembuangan tama api to gaja liwa' lussu.’

Daniel 3:2

Natambai ngasanmi Raja Nebukadnezar to sininna wakkele'na, gubernur, bupati, menteri, tonnissenni doi', tomangra'tah kara-kara, tonnissenni atoran na ia ngasan to kapala lan kampong, anna ratu lako jio pangmaroasan kadipake'deranna joo patung bulawan.

Daniel 3:27

Ratu ngasanmi to sininna wakkele' raja, gubernur, bupati, sola sininna pangjama laenna, ngguririkkii joo tau tallu, nakitai kumua te'da lalo narumbui api, te'da nama'bong to beluakkana sola pakeanna, moi bau rambu te'da too le'ke' jio kalena.

Daniel 3:6

Inda-inda to te'da naturu'i tee parenta nang la ta'pa dipembuangan tama api to gaja liwa' lussu.”

Daniel 6:16

Male pole' omi to tau mangngolo lako raja, nakua, “Oo puang, taingaranni kumua situru' atoranna to-Media sola to-Persia, ia to parenta napasun raja te'da nawa'ding disullei.”

Daniel 6:22

Mebalii Daniel lako raja nakua, “Ie' puang, dennaa upa' tamalambeh sunga' tarruh-tarruh te'da cappa'na.

Matius 12:14

Apa ia joo to-Farisi messunmi lan mai bola passambajangan, namale sipangkada-kada la mbunoi to Puang Isa.

Matius 26:4

Sipangkadami umbo nakua nnangah lalan la njokko buni Puang Isa anna bunoi.

Markus 15:1

Melambi' unapa nasirempunmo to Pangbicara Agama, iamo to kapala imang, guru agama na pekaamberan to-Yahudi. Napangpepumpunganni to Puang Isa, namale ssolanni, anna pangngoloi lako Gubernur Pilatus.

Yahya 12:10

Na ia to kapala imang madoang too la mbuno Lazarus,