Daniel 6:27 - Alkitab Duri

²⁷ Kupangparentan lako sininna tau to torro lan kaparentanku' anna taratte'i to Allataala to tuo te'da anggena to nasompa Daniel. Ia to karajaan-Na te'da na la lanynya' na ia to kamangparentan-Na te'da anggena.

Daniel 6:27 ပူးပေါင်းရင်းမြစ်များ

Daniel 2:44

Mangkamo takita to batu lan tindota', to kumua te'da ia tau rrumbui, na tilu'bak jao mai buntu, nabasai nasisarambuan joo patung to dikabua' jio mai bassi, tambaga, litak pitti', salaka na bulawan. Battuananna: ia tonna mangparenta unapa to raja, ia to Allataala jao suruga la mpaden kaparentan tatta' te'da anggena, na te'da lalo ia to bangsa la ntaloi. Kaparentan iamo joo la nnancuru'i joo appa' kaparentan. Napangpeissenanni Allataala Tomala'bih lako kita' to apa la dioloi lako. Ia joo tindo wa'ding dikatappa'i, na ia to battuananna kupau tongan.”

Daniel 4:31

Te'dapa kumangka mangkada, nadenmo gamara mangkada jao mai langi' nakua, ‘Ee Raja Nebukadnezar, pesa'dingngii tee kadang-Ku', to kumua ia to kakuasanmu mangparenta la dialaimoko.

Daniel 4:34

Apa ia tonna ganna'mo pitung taun, ia tee aku' Nebukadnezar, mentingngarana' de' langi', na pole pole' to pangngingaranku'. Ta'pa kupujii, kupakala'bihhi kusompai Allataala Tomala'bih, to tuo te'da anggena. Kupakala'bihhi, nasaba' ia to kamakuasan-Na sola kaparentan-Na te'da anggena.

Daniel 4:35

Sininna tolino te'da bua'na. Ia to malaeka' jao suruga sola tolino Nakuasai ngasan Allataala. Te'da tau ngkullei nnewai to pakkaeloran-Na ba'tu mekutana, ‘Apara Tapugauk?’

Daniel 6:20

Masawanna makale' tonna marimu-rimu unapa mi'cokmi raja, nata'pa male lako lo'ko' singa.

Yahya 4:48

Nakua Puang Isa ngkuanni joo tomangparenta, “Ia ke te'da mikita tanda mejangngaran, te'da mimatappa'.”

Jamanna Rasulu' 4:30

Papajanmi to kuasan-Ta', angkiwa'ding mpamalagah tomasaki, sola mpugauk tanda mejangngaran mpake kuasan-Na Puang Isa, kaunan mattantun-Ta'.”

Ibrani 2:4

Te'da na ia manda joo, apa Puang Allataala Ia ntongananni to kadanna tuu lako tau, anna benni kuasa mpugauk mangrupa-rupa tanda mejangngaran, naben tooi barakka' Roh Allataala situru' pakkaeloran-Na.