Daniel 6:13 - Alkitab Duri

¹³ Mangkai joo too malemi to tongkaba'ci Daniel mangngolo lako raja mpangpeasanni nakua, “Oo puang, tangmangkamoraka tateken to sura' parenta nnanggai tau massambajang tallung pulo allona masainna lako dewata ba'tu lako tau saliwanna lako manda kita'? Na ia to totangmpesa'dingngi joo atoran, la dica'bean tama lo'ko' singa.” Namebali raja nakua, “Tongan joo. Mangkamo kuteken joo sura' parenta menjaji atoranna to-Media sola to-Persia to te'damo nawa'ding disullei.”

Daniel 6:13 ပူးပေါင်းရင်းမြစ်များ

Ester 3:8

Mangkadami Haman lako raja nakua, “Ie' Raja, den mesa' bangsa makalaen-laen, to silele jio simesa'-mesa' propinsi inde' karajaan. Gaja sisala ada'na na ia to ada'ta'. Te'da naturu'i to atoran inde' karajaan. Jaji melo ke danggi' taeloranni mpupangngeloh bang elohna.

Daniel 1:6

Ia to kallolo, den appa' bati' to-Yehuda, iamo to Daniel, Hananya, Misael na Azarya.

Daniel 2:25

Ta'pa malei Ariokh ssolan Daniel mangngolo lako Raja Nebukadnezar, na mangkada Ariokh lako raja nakua, “Nnampa'mo' sala mesa' to-Yehuda to dipali', wa'ding mpauanki' battuananna joo tindota'.”

Daniel 3:11

Na inda-inda to te'da naturu'i tee parenta nang la dipembuangan tama api to gaja liwa' lussu.’

Daniel 3:12

Apa den to-Yahudi to mangka tapabarakkanni mparenta propinsi Babel, te'da naturu'i joo parenta. Iamo to Sadrakh, Mesakh na Abednego. Ia tee tau cia'i mpakala'bihhi to dewata tasompa na cia' tooi ssompai to patung bulawan tapake'deh.”

Daniel 3:8

Wattu ia bang unamo joo na den ba'tu pira-pira to-Babel mangngolo lako raja, la mparapa'i joo to-Yahudi.

Daniel 5:13

Ta'pa dipupangngoloi Daniel lako raja, nakutanaii kumua, “Ikomoraka Daniel to dipali' jio mai Yehuda tonna mangparenta Raja Nebukadnezar ambe'ku'?

Jamanna Rasulu' 17:7

napupangbongii Yason jio bolana. Ia tee tau te'da nakasiri'i to parentana Tomaraja Roma, sanga nakua ia kumua, denpa ia raja laen disanga Puang Isa.”

Jamanna Rasulu' 5:29

Apa napebalii Petrus sola padanna rasulu' nakua, “Kila'biran kami' nturu' Puang Allataala na ia to nturu' tolino!