Daniel 5:8 - Alkitab Duri

⁸ Apa sininna to tomacca mangka mangngolo, te'da lalo macca mbacai sola mbattuanannii joo pangnguki'.

Daniel 5:8 ပူးပေါင်းရင်းမြစ်များ

Daniel 2:27

Mebalii Daniel nakua, “Tabe' puang, te'da tau ngkullei mpauanki' to apa susi joo, moi tomacca, tomangbaca-baca, topaissen-issen ba'tu topakita-kita.

Daniel 4:18

Ia tee aku' Raja Nebukadnezar mpatarruhna' kadangku' kukua, ‘Ee Beltsazar, susimi joo to tindoku'. La mupauanna' battuananna, saba' sininna tomacca lan kaparentanku' te'da nnissenni battuananna, apa ikomo to maka la mpauanna', sanga nabarakka'iko dewata.’

Daniel 4:4

Ia tee aku' Nebukadnezar, masannangmo' na melo katuoanku' torro lan istana.

Daniel 4:7

Ratu ngasanmi to topaissen-issen, tomangbaca-baca, tomacca mbattuananni apa jaji jao langi' sola topakita-kita kucuritanni lako joo tindoku', apa te'da tonnissenni battuananna.

Daniel 5:15

Mangka ngasanmo disolan sininna to tomacca na tomangbaca-baca mangngolo lako aku', apa te'da lalo nnissenni mbattuanannii joo pangnguki' jio rinding.