Daniel 5:6 - Alkitab Duri

⁶ arannai memmalaja' natibaliang lindona nambe'beh to ajena susi to tangkebuku.

Daniel 5:6 ပူးပေါင်းရင်းမြစ်များ

Daniel 2:1

Den sangbongi tonna taun mangpenduannamo Raja Nebukadnezar mangparenta, namangtindo. Ia joo tindona liwa' tangnapurapa' penawanna, arannai te'damo nakullei mamma' pole'.

Daniel 3:19

Liwa' mala'da' birihna Raja Nebukadnezar lako Sadrakh, Mesakh na Abednego arannai malussu lindona, nabalik malea natumang birihna. Jaji napangparentanni na dipupanglokkon pempitu lussunna joo api.

Daniel 4:19

Takkajanna'i na malaja' Daniel to disanga too Beltsazar. Apa ia tee aku' raja mangkada omo' kukua, ‘Beltsazar, danggi' mupuselangngi joo tindo sola battuananna!’ Mebalii Beltsazar nakua, ‘Ie' kita' puang, ma'namo na ewata' la natula to apa jaji lan tindota', danggi'mo na kita'!

Daniel 4:5

Arannai den sangbongi tongkumamma' mangtindona', na gaja laja'na' joo tindoku'. Tangnapurapa' penawangku', sanga ia joo pengkita lan tindoku'.

Daniel 5:5

Ia bang unamo joo wattu, natimbajo to mesa' lima tau mangnguki' jio rinding istana sikandoppi' palita. Nakitai raja joo lima mukkun mangnguki',

Daniel 7:28

Susimi joo to kukita lan tindoku'. Na ia tee aku' Daniel, gaja sussana' mpikkiri'i sininna joo arannai tibaliang lindoku', apa moi mesa' tolino te'da kupauan.”

Ibrani 12:12

Iamo joo danggi' mimakuttu. Pemawatangngii to kamatapparanmi.