Daniel 5:22 - Alkitab Duri

²² Apa ia to kita' anakkana, cia'ki' mpamajiong kaleta' jio olo-Na Allataala, moi taissen ngasanmi joo.

Daniel 5:22 ပူးပေါင်းရင်းမြစ်များ

Daniel 5:18

Nakua toopa Daniel, “Ie', ia to Nebukadnezar ambe'ta', Allataala Tomala'bih mpupenjajii raja lompo Nabenni kakuasan, kamawatangan sola kamala'biran.

Matius 21:32

Nasaba' ratumo to Nabi Yahya mpakitan kamu' lalan katuoan pangkabudaian-Na Puang Allataala. Apa te'da mipesa'dingngii to pangngajahna. Apa ia tuu lako passassung sola tuu lako baine sala kedo nakatappa'i ia. Na moi miissen ngasanmo tuu lako kumua memmatappa'mi, apa te'da mimenassan na te'da too mimatappa' lako Puang Allataala.”

Lukas 12:47

Ia to kaunan naissen apa to nakabudai puangna, apa te'da namajaga sola te'da napugaukki, iamo na la dipemoncongngi.

Yahya 13:17

Miissen ngasanmo tee, na masannangmo kamu' ke mipugaukki.

Yakub 4:17

Ia to tonnissen apa to melo la napugauk, apa te'da napugaukki, madosai joo tau.

Yakub 4:6

Moi nasusi joo, la'bih makuasa ia to pammase-Na Puang Allataala na ia to kamadoangan penawanta'. Iamo joo naden too diuki' lan Sura' Allataala kumua, “Naewa Puang Allataala to tomatampo, apa nakamasei to tompamajiong kalena.”