Daniel 5:19 - Alkitab Duri

¹⁹ Matonggo kuasanna, iamo joo nakalaja'i sola nakasiri'i sininna bangsa, simesa'-mesa' rapu tau to mpake mangrupa-rupa basa. Ia ke madoangngi mpatei tau, Napatei bang unamira. Susi too ke madoangngi mpasalama' tau, Napasalama' too. Napamajaoi to to-Nakabudai, Napamajiongngi to totang-Nakabudai.

Daniel 5:19 ပူးပေါင်းရင်းမြစ်များ

Kada Bulawan 16:14

Ia ke magallii to raja, mbai naden tau la dipatei, apa wa'ding napapaja tomacca to kamabirisanna raja.

Daniel 11:12

Majao penawami, sanga pataloi na gaja buda surudadu napatei. Apa moi nasusi joo, te'da namasain to kakuasanna.

Daniel 11:16

Ia to raja jajanna liu la mpupangngeloh bang elohna mangpugauk, na moi mesa' tau te'da nnewai. Natorroi to Tana Kaminang Makassing nawa'ding nnancuru'i.

Daniel 11:3

La den pole'pa mesa' raja liwa' mawatang la mparenta karajaan gaja luah, na mpupangngelohna bang elohna.

Daniel 11:36

Napugauk bang raja karajaan jajanna liu to apa nakadoangngi. Namenjaji matampo, nnangga' kalena la'bih mala'bih na ia to sininna dewata. La'bih-la'bih liwa' ncapa' Allataala to makuasa. La jaji ngasan susi to nakadoangngi arannai naperasai to kamabirisan-Na Puang Allataala. Nasaba' ia to mangka Napattantu Puang Allataala nang la jaji.

Daniel 3:29

Iamo joo kupangparentanni kumua, ia to simesa'-mesa' tau jio mai bangsa, rapu na basa, to mpau kada tangnnangga' Allataala to nasompa Sadrakh, Mesakh na Abednego, la dita'tak-ta'tak na ia to bolana la diro'pokan naditombon menjaji burauk, nasaba' te'da ia dewata la ngkullei mangpasalama' susi to mangka Napugauk Allataala to nasompa.”

Daniel 3:6

Inda-inda to te'da naturu'i tee parenta nang la ta'pa dipembuangan tama api to gaja liwa' lussu.”

Daniel 4:17

Ia tee pepasan ba'tu kara'tasan kupau situru' to napattantu malaeka'-Na Allataala, dikua naissen ngasanni tolino kumua ia to Allataala Tomala'bih ngkuasai karajaanna tolino. Mpangbengan karajaan lako tau to Nakabudai, moi na lako tobiccu'.”’

Daniel 4:19

Takkajanna'i na malaja' Daniel to disanga too Beltsazar. Apa ia tee aku' raja mangkada omo' kukua, ‘Beltsazar, danggi' mupuselangngi joo tindo sola battuananna!’ Mebalii Beltsazar nakua, ‘Ie' kita' puang, ma'namo na ewata' la natula to apa jaji lan tindota', danggi'mo na kita'!

Daniel 4:22

Oo puang, kita'mo dipasangrapang joo barana', to samatonggo-tonggona na mawatang ratu de' langi'. Susimi joo kamala'biranta' sakerangngan-rangnganna na kakuasanta' ratu lako lili'na lino.

Yahya 19:11

Mebalii Puang Isa nakua, “Ianna te'da nabenki' Puang Allataala joo kuasa, te'da lalo takullei ngkuasaina'. Iamo joo, na ia to tompangpejokkoanna', la'bih matonggo ia dosana na kita'.”

Roma 13:1

Parallu kamu' nturu' atoran tomangparenta, nasaba' te'da ia to tomangparenta tangnapattantu na te'da too to tangnaben kuasa Puang Allataala.

Pengkitanna Yahya 5:9

Makkelongngi mpukelong kelong baru: “Sipato'ki' nnalai tapiak tooi to segelna tuu sura' tilulun, sanga mangkamiki' digere' anna ia to rara kamatean-Ta' tapake nnallian tau Puang Allataala jio mai sininna rapu tau, tondok, basa na bangsa.