Daniel 5:13 - Alkitab Duri

¹³ Ta'pa dipupangngoloi Daniel lako raja, nakutanaii kumua, “Ikomoraka Daniel to dipali' jio mai Yehuda tonna mangparenta Raja Nebukadnezar ambe'ku'?

Daniel 5:13 ပူးပေါင်းရင်းမြစ်များ

Daniel 1:1

Ia tonna tallungtaunmo Raja Yoyakim mangparenta jio tana Yehuda, malemi mangrari raja Babel disanga Nebukadnezar sola surudadunna, natalimbungngi to kota Yerusalem.

Daniel 1:2

Naeloranni Puang Allataala ntaloi to Raja Yoyakim, narampai pira' to parewanan makarama' to dipake massompa lan Bola Puang Allataala. Ia to tonatalo Raja Nebukadnezar, napali'i lako Babel, na ia joo parewanan dipake massompa mangka narampa, nabawai lako bola dewata to nasompa naannai jio ngenan to dinii nnanna parewanan makarama'.

Daniel 1:21

Mangjama unapi Daniel lan istanana raja ratu lako nadete' wattunna Raja Koresh mangpamula mangparenta.

Daniel 1:6

Ia to kallolo, den appa' bati' to-Yehuda, iamo to Daniel, Hananya, Misael na Azarya.

Daniel 2:25

Ta'pa malei Ariokh ssolan Daniel mangngolo lako Raja Nebukadnezar, na mangkada Ariokh lako raja nakua, “Nnampa'mo' sala mesa' to-Yehuda to dipali', wa'ding mpauanki' battuananna joo tindota'.”

Daniel 2:48

Mangkai joo too, napaendekmi raja to pangka'na Daniel naben tooi buda paraseng to kaminang maballo. Daniel menjaji tomakuasa lan sininna propinsi Babel, na ngkapalai toopa sininna tomacca lan istana.

Daniel 5:11

Nasaba' lan tee kaparentanta' den mesa' tau to gaja nabarakka'i roh dewata. Ia tonna ba'tu piran, tonna mangparenta Raja Nebukadnezar ambe'ta', ia joo tau dibarakka'i pangpikkirisan melo sola kamaccan, na kapaissenanna susi kapaissenan dewata. Naangka'i Raja Nebukadnezar joo tau ngkapalai sininna topaissen-issen, tomangbaca-baca, tomacca mbattuananni apa jaji jao langi' sola topakita-kita.

Daniel 5:14

Kuissenmo kumua gaja nabarakka'iko dewata, arannai melo pangpikkirisanmu, kamaccanmu sola kapaissenanmu.

Daniel 5:18

Nakua toopa Daniel, “Ie', ia to Nebukadnezar ambe'ta', Allataala Tomala'bih mpupenjajii raja lompo Nabenni kakuasan, kamawatangan sola kamala'biran.

Daniel 5:2

Ia tonna malangomo, napangparentanni Raja Belsyazar na mbawa ngasan isotan bulawan sola salaka to tau, to mangka narampa Raja Nebukadnezar ambe'na, lan mai Bola Puang Allataala jio Yerusalem, to la na pangngiso'i raja sola bainena sola to baine laenna sola tomajao pangka'na.

Daniel 6:13

Mangkai joo too malemi to tongkaba'ci Daniel mangngolo lako raja mpangpeasanni nakua, “Oo puang, tangmangkamoraka tateken to sura' parenta nnanggai tau massambajang tallung pulo allona masainna lako dewata ba'tu lako tau saliwanna lako manda kita'? Na ia to totangmpesa'dingngi joo atoran, la dica'bean tama lo'ko' singa.” Namebali raja nakua, “Tongan joo. Mangkamo kuteken joo sura' parenta menjaji atoranna to-Media sola to-Persia to te'damo nawa'ding disullei.”

Daniel 8:1

Ia tonna taun mangpentallunnamo Raja Belsyazar mangparenta, ia tee aku' Daniel, napakitan pole'na' pengkita Allataala.

Daniel 8:27

Ia tongkumangka ngkitai joo pengkita, masakina' ba'tu pirang-pirang allo masainna. Mangkai joo too, mi'cokmo' kupugauk pole'i to nasuanna' raja. Apa masussa bangna' mpikkiri'i joo pengkita na te'da kupahangngi.

Yahya 7:1

Mangkai joo too, malemi Puang Isa ngguririkki tana Galilea. Cia'mi pole lako tana Yudea, sanga ia to pekaamberan to-Yahudi jio nnangah bangmo lalan madoang la mbunoi.

Yahya 7:3

Iamo joo nakua to sile'to-Na ngkuanni, “Salaimi tee tana Galilea, mupolemo sau' tana Yudea, nakita tooi to tonturu'ko to tanda mejangngaran mupugauk.