Daniel 5:12 - Alkitab Duri

¹² Ia joo tau dibarakka'i pangpikkirisan melo, kapaissenan sola kamaccan. Iamo joo namacca mbattuananni tindo, sola macca mpamanassai to apa tangnaissenpa tau na melo pahangna ke denni passalan. Ia joo tau disanga Daniel, nasangai too Beltsazar ambe'ta'. Melo ke ia ditambai nabattuanannii joo pangnguki' jio rinding.”

Daniel 5:12 ပူးပေါင်းရင်းမြစ်များ

Kada Bulawan 12:26

Ia to tomakassing, mpatuju melo soba'na, apa ia to togaja', mpasala lalan kalena.

Kada Bulawan 17:27

Te'da nabuda kada to toden kapaissenanna na matana bang penawanna to tomapahang.

Daniel 1:17

Allataala mbarakka'ii kapaissenan joo appa' kallolo anna macca nnissenni to mangrupa-rupa pangnguki' na mandalan pangtangngaranna lan sininna pangngajaran to diajaranni. Apa ia to Daniel Nabarakka'i pole'pa Allataala kapaissenan la mbattuananni tindo sola mpamanassa pengkita.

Daniel 1:7

Apa nasulleii kapala istana to sanganna Daniel menjaji Beltsazar, Hananya menjaji Sadrakh, Misael menjaji Mesakh, na Azarya menjaji Abednego.

Daniel 2:26

Mekutanai raja lako Daniel, to disanga too Beltsazar, nakua, “Wa'dingrokoka mpauanna' to apa kukita lan tindoku' sola battuananna?”

Daniel 4:19

Takkajanna'i na malaja' Daniel to disanga too Beltsazar. Apa ia tee aku' raja mangkada omo' kukua, ‘Beltsazar, danggi' mupuselangngi joo tindo sola battuananna!’ Mebalii Beltsazar nakua, ‘Ie' kita' puang, ma'namo na ewata' la natula to apa jaji lan tindota', danggi'mo na kita'!

Daniel 4:8

Sanggenna mangngolo lako aku' to tonabarakka'i sininna dewata, iamo Daniel to mpusangai sanganna sala mesa'na dewatangku' disanga Beltsazar, namane' kucuritanni lako joo tindoku' kukua,

Daniel 5:14

Kuissenmo kumua gaja nabarakka'iko dewata, arannai melo pangpikkirisanmu, kamaccanmu sola kapaissenanmu.

Daniel 5:16

Mane' kuissenna kumua maccako mbattuanannii sola mapahangko ke denni passalan, iamo joo na ia ke maccako mbacai joo pangnguki' jio rinding sola mpauanna' battuananna, la dipapakeiko pakean karajaan jio mai kaen makudara' sola rara' bulawan, na la kuben tooko kakuasan mangpentallun jio mai kakuasanku' lan tee kaparentanku'.”

Daniel 6:3

Nnangka' tooi tau tallu menjaji ponggawana to gubernur, na Daniel sala mesa'na. Ia joo tallu ponggawa la mpuissen jamanna gubernur danggi' narugi joo raja.

Daniel 6:4

La'bih makassing ia to assele' jamanna Daniel na ia to ponggawa laen iarika to gubernur, sanga la'bih melo penawanna, iamo namadoang raja nnangka'i la ngkuasai ngasan karajaanna.

Kolose 1:29

Iara joo kupengkulle-kullei mpugaukki, mpake sininna kuasa to nabenna' Almaseh to mangjama lan kaleku'.