Daniel 5:11 - Alkitab Duri

¹¹ Nasaba' lan tee kaparentanta' den mesa' tau to gaja nabarakka'i roh dewata. Ia tonna ba'tu piran, tonna mangparenta Raja Nebukadnezar ambe'ta', ia joo tau dibarakka'i pangpikkirisan melo sola kamaccan, na kapaissenanna susi kapaissenan dewata. Naangka'i Raja Nebukadnezar joo tau ngkapalai sininna topaissen-issen, tomangbaca-baca, tomacca mbattuananni apa jaji jao langi' sola topakita-kita.

Daniel 5:11 ပူးပေါင်းရင်းမြစ်များ

Daniel 1:4

Iamo to kallolo te'da caccana, melo rupanna, mandalan pangtangngaranna, macca na buda kapaissenanna dikua anna sipato' mangjama lan istana raja. Massua toomi raja, anna ajahhi Aspenas pangnguki' sola basana to-Babel.

Daniel 2:11

Gaja sussa ia tuu peta'danta'. Moi ia mesa' tau te'da ia ngkullei mpauanki' joo tindota' saliwanna dewata, apa te'daka ia namari'pih sola tolino.”

Daniel 2:22

Iamo mpamanassai to apa mandalan na tangkaissenan. Naissen ngasan sininna to apa jaji lan kamalillinan. Natalimbungngi arrang to liwa' macora.

Daniel 4:18

Ia tee aku' Raja Nebukadnezar mpatarruhna' kadangku' kukua, ‘Ee Beltsazar, susimi joo to tindoku'. La mupauanna' battuananna, saba' sininna tomacca lan kaparentanku' te'da nnissenni battuananna, apa ikomo to maka la mpauanna', sanga nabarakka'iko dewata.’

Daniel 4:5

Arannai den sangbongi tongkumamma' mangtindona', na gaja laja'na' joo tindoku'. Tangnapurapa' penawangku', sanga ia joo pengkita lan tindoku'.

Daniel 4:6

Iamo joo kupasun parenta lako sininna tomacca lan tana Babel naratu mangngolo lako aku' dikua napauanna' battuananna joo tindoku'.

Daniel 5:14

Kuissenmo kumua gaja nabarakka'iko dewata, arannai melo pangpikkirisanmu, kamaccanmu sola kapaissenanmu.

Daniel 5:7

Napematonggoi gamaranna na ditambai to tomangbaca-baca, tomacca mbattuananni apa jaji jao langi' sola topakita-kita anna disolan mangngolo lako raja. Nakua raja lako to tomacca, “Inda-inda to tau macca mbacai tee pangnguki' jio rinding, la napauanna' to battuananna, nadipapakei pakean karajaan jio mai kaen makudara' sola rara' bulawan, nadiben kakuasan mangpentallun jio mai kakuasanku' lan tee karajaanku'.”

Jamanna Rasulu' 12:22

Napissenni to tau mearrak mpebalii nakua, “Samanna ia to dewata tee mangkada, tangngia tolino.”

Jamanna Rasulu' 14:11

Ia tonna kitai tobuda to apa napugauk Paulus, napetambanni mangbasa Likaonia nakua, “Mellaomi to dewata mangrupa tau lan tangnga-tangngata'.”

Jamanna Rasulu' 16:16

Den pissen tongkimale pole' lako joo nanii sirempun to-Yahudi massambajang, kisitammu mesa' baine kaunan. Ia joo baine nakuasai setang to pakita-kita, naissen jolo to apa la jaji. Napupealan tonggo puangna joo jamanna ngkitan dalle'na iarika totona tau.

Pengkitanna Yahya 3:9

Pesa'dingngii tee! Ia to umma'na Ballisi' to ssanga kalena to-Yahudi apa tomangnguragara, la kubawai ratu ssuju' kamu', anna akui tooi kumua tokupakamoja' kamu'.