Daniel 4:6 - Alkitab Duri

⁶ Iamo joo kupasun parenta lako sininna tomacca lan tana Babel naratu mangngolo lako aku' dikua napauanna' battuananna joo tindoku'.

Daniel 4:6 ပူးပေါင်းရင်းမြစ်များ

Daniel 1:17

Allataala mbarakka'ii kapaissenan joo appa' kallolo anna macca nnissenni to mangrupa-rupa pangnguki' na mandalan pangtangngaranna lan sininna pangngajaran to diajaranni. Apa ia to Daniel Nabarakka'i pole'pa Allataala kapaissenan la mbattuananni tindo sola mpamanassa pengkita.

Daniel 2:2

Iamo joo natambai ngasanni to topaissen-issen, tomangbaca-baca, sando sola tomacca mbattuananni apa jaji jao langi', la mbattuananni joo tindona. Ia tonna sike'deranmo to tomacca jio olona raja,

Daniel 2:48

Mangkai joo too, napaendekmi raja to pangka'na Daniel naben tooi buda paraseng to kaminang maballo. Daniel menjaji tomakuasa lan sininna propinsi Babel, na ngkapalai toopa sininna tomacca lan istana.

Daniel 4:15

Apa ajanni lan litak to garonto' sola waka'na, la'ka'i rante bassi sola tambaga jio tangnga reu. Ake'mo nabosokkii ambun jao mai langi' nangkande reu sola olok-olok.

Daniel 5:11

Nasaba' lan tee kaparentanta' den mesa' tau to gaja nabarakka'i roh dewata. Ia tonna ba'tu piran, tonna mangparenta Raja Nebukadnezar ambe'ta', ia joo tau dibarakka'i pangpikkirisan melo sola kamaccan, na kapaissenanna susi kapaissenan dewata. Naangka'i Raja Nebukadnezar joo tau ngkapalai sininna topaissen-issen, tomangbaca-baca, tomacca mbattuananni apa jaji jao langi' sola topakita-kita.

Daniel 5:7

Napematonggoi gamaranna na ditambai to tomangbaca-baca, tomacca mbattuananni apa jaji jao langi' sola topakita-kita anna disolan mangngolo lako raja. Nakua raja lako to tomacca, “Inda-inda to tau macca mbacai tee pangnguki' jio rinding, la napauanna' to battuananna, nadipapakei pakean karajaan jio mai kaen makudara' sola rara' bulawan, nadiben kakuasan mangpentallun jio mai kakuasanku' lan tee karajaanku'.”