Daniel 4:34 - Alkitab Duri

³⁴ Apa ia tonna ganna'mo pitung taun, ia tee aku' Nebukadnezar, mentingngarana' de' langi', na pole pole' to pangngingaranku'. Ta'pa kupujii, kupakala'bihhi kusompai Allataala Tomala'bih, to tuo te'da anggena. Kupakala'bihhi, nasaba' ia to kamakuasan-Na sola kaparentan-Na te'da anggena.

Daniel 4:34 ပူးပေါင်းရင်းမြစ်များ

Daniel 12:7

Ia joo malaeka' mangrupa tau, nnangka' dua limanna de' langi' na massapah jio olo-Na Puang Allataala to tuo te'da anggena, nakua, ‘La jaji tallung taun sitangnga masainna. Ianna mangkamo diancuru' to kamawatanganna umma'-Na Puang Allataala, mane'ri dianggei joo apa jaji.’

Daniel 2:44

Mangkamo takita to batu lan tindota', to kumua te'da ia tau rrumbui, na tilu'bak jao mai buntu, nabasai nasisarambuan joo patung to dikabua' jio mai bassi, tambaga, litak pitti', salaka na bulawan. Battuananna: ia tonna mangparenta unapa to raja, ia to Allataala jao suruga la mpaden kaparentan tatta' te'da anggena, na te'da lalo ia to bangsa la ntaloi. Kaparentan iamo joo la nnancuru'i joo appa' kaparentan. Napangpeissenanni Allataala Tomala'bih lako kita' to apa la dioloi lako. Ia joo tindo wa'ding dikatappa'i, na ia to battuananna kupau tongan.”

Daniel 4:2

Masannangna' la mpangpeissenan tanda mejangngaran to Napajaji Allataala Tomala'bih lako kaleku'.

Daniel 4:26

Na ia to parentana malaeka' kumua ajan bangmi lan litak to garonto' sola waka'na battuananna: La mangparenta pole'ki' ke mangkai taakui kumua nang Allataala jao suruga to makuasa.

Daniel 4:3

Liwa' mala'bih to tanda mejangngaran Napugauk. Ia to kaparentan-Na, mangpapa'-papa' te'da anggena.

Daniel 4:32

La diula'iki' jio mai tangngana tau, tamale tuo sola olok-olok masia'. Na reu la mukande susi sapin. La susiko joo pitung taun masainna, arannai muakui kumua ia to Allataala Tomala'bih ngkuasai karajaanna tolino. Nampangbengan kuasa lako inda to Nakadoangngi la mangparenta.’

Daniel 4:36

Ia tonna pole pole'mo pangngingaranku', diben pole'mo' kamala'biran sola kamakuasanku' to la napumala'bih karajaanku'. Natammui pole'mo' to tomangpakainga'ku' sola tomapangka' na kudipapole lako kamangparentanku', na ia joo kamangparentanku' la'bih makuasa na ia to ba'tu piran.

Daniel 5:18

Nakua toopa Daniel, “Ie', ia to Nebukadnezar ambe'ta', Allataala Tomala'bih mpupenjajii raja lompo Nabenni kakuasan, kamawatangan sola kamala'biran.

Daniel 5:21

Diula'ii jio mai tangngana tau na dipupangngakkalan olok-olok. Torroi sola keledai lampung nangkande reu susi sapin, namamma' jio tangnga rante, nabosokki ambun. Naarannai mangngaku kumua, ‘Allataala Tomala'bih ngkuasai kaparentanna tolino, mben kakuasan lako inda-inda to Nakabudai.’

Daniel 6:26

Mangkai joo too, massuai Raja Darius nadikiring to sura' lako sininna bangsa, rapu tau na basa lan lili'na lino. “Salama' lako kamu' sola ngasan!

Daniel 7:14

Namane' dibarakka'i kakuasan sola kamala'biran menjaji raja joo Anak Mentolino, arannai ratu to tau jio mai sininna bangsa, rapu tau na basa ssompai. Ia to kakuasanna tatta' te'da anggena, na ia to kaparentanna te'da nalata'de.

Daniel 7:27

Na ia to kamangparentan, kakuasan sola kamala'biranna kaparentan lan sininna lino la dipangbengan lako umma'-Na Allataala Tomala'bih. Ia to kaparentanna la tarruh te'da anggena, na sininna tomakuasa la tatta' mpangjamanni na mangpesa'ding.’

Daniel 9:14

Oo PUANG Allataala to kisompa, mangkamokan Taparatuan pangsessa, nasaba' maruruh-Ki' lan sininna panggaukan-Ta', apa te'da kimangpesa'ding.

Yunus 1:14

Iamo joo namassambajang lako PUANG Allataala nakua, “Oo PUANG, meta'dakan danggi' Tapasalakan ke kibuangngi tee tau do' tasik to te'da nakasalan lako kami'. Oo PUANG, pakkaeloran-Ta'mo to jaji.”

Lukas 1:33

Na la mparenta bati'na Yakub. Na ia to kadatuan-Na te'da cappa'na.”

Lukas 18:13

Apa ia joo passassung ke'deh mambela-bela bang. Moi mentingngara de' langi' tangnasara, apa ssauru'i babara'na, nakua, ‘Oo Puang Allataala, kamaseina' dikka' aku' tee mesa'na' tomadosa!’

Yahya 5:26

Susi Ambe'-Ku' makuasa mpatuo pole' tomate, susi toda Aku' naben kuasa mpatuo tomate.

1 Timotius 1:17

Rajai to Puang Allataala to mangparenta te'da cappa'na. Mesa'ri, tangkakitanan na te'da nataloii kamatean. Iamo joo, sipato' Ia dikasiri' na dipakala'bih te'da cappa'na! Amin.

1 Timotius 6:16

Ia manda to te'da nataloii kamatean. Moi mesa' tau te'da ssarai ngkandoppi'i to arrang nanii torro. Moi mesa' tau te'da ngkitai, nang la te'da tau ngkitai. Iamo tomakuasa dipakala'bih te'da cappa'na. Amin.

Pengkitanna Yahya 10:6

Massapahhi mpau sangan-Na Puang Allataala to tuo te'da cappa'na, to mpaden langi', lino, tasik, sola issinna. Nakua, “Te'damo naladisorong to wattunna!

Pengkitanna Yahya 11:15

Mangkai joo too ia to malaeka' mangpempitu mpannoni tarompe'na, naden gamara liwa' tonggo disa'ding jao suruga nakua, “Mammula tee too ia to lino menjajimi kadatuan-Na Puangta' Puang Allataala sola Raja Mangpasalama' to mangkamo napilei la mangparenta te'da cappa'na.”

Pengkitanna Yahya 4:9

Ia tonna massompa, mangpakala'bih na mangkurru sumanga' susi joo lako Puang to cumadokko jao cadokkoan mala'bih lan tangnga, to tuo te'da cappa'na, ia joo duang pulo a'pa' tomatua-tua pada suju' ratu do' litak ssompai, napalenna'i to mahkota bulawanna lako olo cadokkoan-Na, namangkada nakua,