Daniel 4:23 - Alkitab Duri

²³ Takita tooi to mesa' pangjaga, iamo malaeka'-Na Allataala, mellao jao mai langi', to mangkada nakua, “Ta'bangngi tee barana' na danggi'mo natuo, apa ajanni lan litak to garonto' sola waka'na, la'ka'i rante bassi sola tambaga jio tangnga reu. Ake'mo nabosokkii ambun jao mai langi' natuo sola olok-olok pitung taun masainna.”

Daniel 4:23 ပူးပေါင်းရင်းမြစ်များ

Daniel 4:26

Na ia to parentana malaeka' kumua ajan bangmi lan litak to garonto' sola waka'na battuananna: La mangparenta pole'ki' ke mangkai taakui kumua nang Allataala jao suruga to makuasa.

Daniel 5:21

Diula'ii jio mai tangngana tau na dipupangngakkalan olok-olok. Torroi sola keledai lampung nangkande reu susi sapin, namamma' jio tangnga rante, nabosokki ambun. Naarannai mangngaku kumua, ‘Allataala Tomala'bih ngkuasai kaparentanna tolino, mben kakuasan lako inda-inda to Nakabudai.’

Daniel 8:13

Sitarruhna, kusa'dingngi to dua malaeka' sipangkada. Ia to mesa' malaeka' mekutana nakua, “Pirara masainna la jaji joo apa lan pengkita? Pirara masainna te'da na diparinawa to karoba keallo-keallo nasaba' ia joo kagajatan mesolangan? Pirara masainna joo Bola Puang Allataala disorong lako kuasanna tanduk biccu' anna ia to surudadunna Allataala nalese-lese?”