Daniel 4:17 - Alkitab Duri

¹⁷ Ia tee pepasan ba'tu kara'tasan kupau situru' to napattantu malaeka'-Na Allataala, dikua naissen ngasanni tolino kumua ia to Allataala Tomala'bih ngkuasai karajaanna tolino. Mpangbengan karajaan lako tau to Nakabudai, moi na lako tobiccu'.”’

Daniel 4:17 ပူးပေါင်းရင်းမြစ်များ

Daniel 11:21

Mpatarruhhi kadanna joo malaeka' mangrupa tau nakua, ‘La den pole' raja la mparenta karajaan jajanna liu, mesa' tau to te'da nadiangga' to tangsipato' menjaji raja, apa te'da nadikalannai naratu kalasi, narampai to karajaanna.

Daniel 2:21

Iamo mpattantu sininna wattu. Ia toomo nnangka'i sola mpasoro'i to tomakuasa. Ia toomo mbenni kapaissenan sola kamapahangan lako tomacca.

Daniel 4:2

Masannangna' la mpangpeissenan tanda mejangngaran to Napajaji Allataala Tomala'bih lako kaleku'.

Daniel 4:25

La diula'iki' jio mai tangngana tobuda, tamale tuo sola olok-olok masia'. Pitung taun masainta' la ngkande reu susi sapin, nabosokki bangki' ambun jao mai langi'. Mangkai joo too, mane'ri la taakui kumua ia to Allataala Tomala'bih ngkuasai karajaanna tolino. Nampangbengan kuasa lako inda to nakadoangngi la mangparenta.

Daniel 7:25

La mpaui kada to nnewa Allataala Tomala'bih, nasessa tooi to umma'-Na. La mpengkulle-kullei ssullei atoran sola wattu pangmaroasan to mangka Napattantu Allataala, naparentai to umma'-Na Allataala tallung taun sitangnga.

Roma 13:1

Parallu kamu' nturu' atoran tomangparenta, nasaba' te'da ia to tomangparenta tangnapattantu na te'da too to tangnaben kuasa Puang Allataala.

1 Korintus 1:28

Napilei Puang Allataala to nasanga tolino tomajiong torroanna ba'tu tote'da bua'na iarika totangdikasiri', anna lanynyasan ngasanni Puang Allataala to nasanga tolino parallu.

1 Timotius 5:21

La nakita Puang Allataala, Puang Isa Almaseh na malaeka'-Na to napilei, kumeta'da tongan lako iko, ammuturu'i tee mangka kupauanko, danggi' mukabataii moi mesa' tau na te'da too la mupasilaenan.

Pengkitanna Yahya 4:8

Ia joo a'pa' olok-olok kepani' ngasan siannan. Ia to kalena sola pani'na ponno mata, makkelong tarruh nakua, “Mala'bih, mala'bih, mala'bih Puang Allataala to makuasa, to den tee too, denmo tonna jolona, na den tarruh too.”