Daniel 4:16 - Alkitab Duri

¹⁶ Na ake'mo natibalik to penawa taunna na mangpenawa olok-olok. Susimo joo dipugauk lako kalena ratu lako pitung taun.

Daniel 4:16 ပူးပေါင်းရင်းမြစ်များ

Daniel 11:13

Mangpenduannami to raja jajanna liu mpasadia buda surudadu, la'bih budapa na ia tonna jolona. Ia ke wattunnamo malemi mangrari mbawa surudadu kamban sola buda parewa dipake mangrari.

Daniel 12:7

Ia joo malaeka' mangrupa tau, nnangka' dua limanna de' langi' na massapah jio olo-Na Puang Allataala to tuo te'da anggena, nakua, ‘La jaji tallung taun sitangnga masainna. Ianna mangkamo diancuru' to kamawatanganna umma'-Na Puang Allataala, mane'ri dianggei joo apa jaji.’

Daniel 4:23

Takita tooi to mesa' pangjaga, iamo malaeka'-Na Allataala, mellao jao mai langi', to mangkada nakua, “Ta'bangngi tee barana' na danggi'mo natuo, apa ajanni lan litak to garonto' sola waka'na, la'ka'i rante bassi sola tambaga jio tangnga reu. Ake'mo nabosokkii ambun jao mai langi' natuo sola olok-olok pitung taun masainna.”

Daniel 4:25

La diula'iki' jio mai tangngana tobuda, tamale tuo sola olok-olok masia'. Pitung taun masainta' la ngkande reu susi sapin, nabosokki bangki' ambun jao mai langi'. Mangkai joo too, mane'ri la taakui kumua ia to Allataala Tomala'bih ngkuasai karajaanna tolino. Nampangbengan kuasa lako inda to nakadoangngi la mangparenta.

Daniel 7:25

La mpaui kada to nnewa Allataala Tomala'bih, nasessa tooi to umma'-Na. La mpengkulle-kullei ssullei atoran sola wattu pangmaroasan to mangka Napattantu Allataala, naparentai to umma'-Na Allataala tallung taun sitangnga.

Daniel 7:28

Susimi joo to kukita lan tindoku'. Na ia tee aku' Daniel, gaja sussana' mpikkiri'i sininna joo arannai tibaliang lindoku', apa moi mesa' tolino te'da kupauan.”

Ibrani 1:11

La masere ngasan tuu lako susi pakean, nalanynya', apa ia to Iko tanglamembaliko.

Pengkitanna Yahya 12:14

Apa ia joo baine dibenni dua pani' langkan tedong matonggo napake mentia' lako padang pallawangan to dinii njaranaii tallung taun sitangnga anna salama' jio mai kamabirisanna joo ulah ba'tu Ballisi'.