Daniel 3:8 - Alkitab Duri

⁸ Wattu ia bang unamo joo na den ba'tu pira-pira to-Babel mangngolo lako raja, la mparapa'i joo to-Yahudi.

Daniel 3:8 ပူးပေါင်းရင်းမြစ်များ

Ester 3:6

Na ia tonna issenmi kumua to-Yahudi pale' joo Mordekhai, nnalami kara'tasan la mbunoi, na te'da na ia manda, apa la naancuru' ngasan to sininna to-Yahudi jio karajaan Persia.

Daniel 1:4

Iamo to kallolo te'da caccana, melo rupanna, mandalan pangtangngaranna, macca na buda kapaissenanna dikua anna sipato' mangjama lan istana raja. Massua toomi raja, anna ajahhi Aspenas pangnguki' sola basana to-Babel.

Daniel 2:10

Mebalii to tomacca mbattuananni apa jaji jao langi' nakua, “Lan sininna lino, te'da ia tau la nnissen tindo ke te'dai nadipauan jolo'. Na te'dapa ia naden mesa' raja, moi samatumbanna makuasa sola mala'bih mpeta'dai susi joo lako topaissen-issen, tomangbaca-baca sola tomacca mbattuananni apa jaji jao langi'.

Daniel 2:2

Iamo joo natambai ngasanni to topaissen-issen, tomangbaca-baca, sando sola tomacca mbattuananni apa jaji jao langi', la mbattuananni joo tindona. Ia tonna sike'deranmo to tomacca jio olona raja,

Daniel 3:7

Ia tonna nnonimo to parewa mossi', suju' ngasanmi to tau jio mai sininna bangsa, rapu na basa ssompai joo patung bulawan.

Daniel 4:7

Ratu ngasanmi to topaissen-issen, tomangbaca-baca, tomacca mbattuananni apa jaji jao langi' sola topakita-kita kucuritanni lako joo tindoku', apa te'da tonnissenni battuananna.

Daniel 6:4

La'bih makassing ia to assele' jamanna Daniel na ia to ponggawa laen iarika to gubernur, sanga la'bih melo penawanna, iamo namadoang raja nnangka'i la ngkuasai ngasan karajaanna.

Jamanna Rasulu' 28:22

Apa madoangkan ssa'dingngi to pangngajaran muturu', sanga kisa'ding kumua umbo-umbo nanii, nacacca tau.”