Daniel 3:29 - Alkitab Duri

²⁹ Iamo joo kupangparentanni kumua, ia to simesa'-mesa' tau jio mai bangsa, rapu na basa, to mpau kada tangnnangga' Allataala to nasompa Sadrakh, Mesakh na Abednego, la dita'tak-ta'tak na ia to bolana la diro'pokan naditombon menjaji burauk, nasaba' te'da ia dewata la ngkullei mangpasalama' susi to mangka Napugauk Allataala to nasompa.”

Daniel 3:29 ပူးပေါင်းရင်းမြစ်များ

Daniel 1:19

Lan kasipangkada-kadanna raja sola joo sininna kallolo, nanii nnissenni kumua ia to Daniel, Hananya, Misael na Azarya la'bih macca na ia to kallolo laenna, arannai dipilei tee kallolo appa' mangjama lan istana raja.

Daniel 1:7

Apa nasulleii kapala istana to sanganna Daniel menjaji Beltsazar, Hananya menjaji Sadrakh, Misael menjaji Mesakh, na Azarya menjaji Abednego.

Daniel 2:17

Mangkai joo too polemi Daniel lako bolana napau ngasanni sininna to apa mangka jaji lako Hananya, Misael na Azarya.

Daniel 2:47

Mangkadami raja lako Daniel nakua, “Nang la'bih makuasa to Allataala musompa, na ia to puang iarika raja laen. Ia toomo to mpamanassai to sininna apa tangkaissenan. Kuissenni joo, nasaba' napangpeissenanmo lako iko to apa la jaji.”

Daniel 2:49

Apa napeta'dai Daniel, naben tooi raja lako Sadrakh, Mesakh na Abednego to kaparentan lan propinsi Babel, anna balii mangparenta, na ia to Daniel torro ia lan istana.

Daniel 2:5

Mebalii raja nakua, “Mangkamo' nnala kara'tasan susi tee: Nang la kamu' mpauanna' joo tindoku' sola battuananna. Ia ke susi joo la kuben kamu' paraseng liwa' ballo sola kadianggasan la'da'. Apa ia ke te'da mipauanna', la dita'tak-ta'tak kamu', na ia to bolami la diro'pokan naditombon menjaji burauk. Jaji pauanmo' tee too joo tindoku' sola battuananna.”

Daniel 3:12

Apa den to-Yahudi to mangka tapabarakkanni mparenta propinsi Babel, te'da naturu'i joo parenta. Iamo to Sadrakh, Mesakh na Abednego. Ia tee tau cia'i mpakala'bihhi to dewata tasompa na cia' tooi ssompai to patung bulawan tapake'deh.”

Daniel 3:15

Ia tee too ke nnonimi to parewa mossi', sadiara kamu'ka la mpakala'bihhi sola ssompai joo patung bulawan? Ia ke cia' kamu' la ta'pa dipembuangan kamu' tama api to gaja liwa' lussu. Na te'da dewata to la ngkullei mpasalama' kamu' jio mai pangsessaku'.”

Daniel 3:17

Ia to Allataala kisompa ngkullei la mpasalama'kan jio mai joo api to gaja liwa' lussu. Nang la Nala'parankan jio mai kuasanta'.

Daniel 3:28

Mangkadami raja nakua “Mala'bih Allataala to nasompa Sadrakh, Mesakh na Abednego, to mangka ssua malaeka'-Na lla'paranni to tallu kaunan-Na to ngkatappa'i, to te'da naturu'i to parentaku', na la'bih nakabudai ke matei, na ia ke ssompai apa laen saliwanna Allataala to nasompa.

Daniel 6:28

Iamo Tomangpasalama' ntulungki' to mpajaji tanda mejangngaran lan lino sola jao langi'. Ia toomo to mangka lla'paran Daniel jio mai singa.”