Daniel 3:28 - Alkitab Duri

²⁸ Mangkadami raja nakua “Mala'bih Allataala to nasompa Sadrakh, Mesakh na Abednego, to mangka ssua malaeka'-Na lla'paranni to tallu kaunan-Na to ngkatappa'i, to te'da naturu'i to parentaku', na la'bih nakabudai ke matei, na ia ke ssompai apa laen saliwanna Allataala to nasompa.

Daniel 3:28 ပူးပေါင်းရင်းမြစ်များ

Daniel 2:47

Mangkadami raja lako Daniel nakua, “Nang la'bih makuasa to Allataala musompa, na ia to puang iarika raja laen. Ia toomo to mpamanassai to sininna apa tangkaissenan. Kuissenni joo, nasaba' napangpeissenanmo lako iko to apa la jaji.”

Daniel 3:25

Mebalimi raja nakua, “Na ciapai na den appa' tau kukita lumingka-mingka lan tangnga-tangngana joo api, na te'damo natipumpung, na te'da lalo too naciapa. Na ia joo tau laen mesa' susi ia anak dewata.”

Daniel 4:34

Apa ia tonna ganna'mo pitung taun, ia tee aku' Nebukadnezar, mentingngarana' de' langi', na pole pole' to pangngingaranku'. Ta'pa kupujii, kupakala'bihhi kusompai Allataala Tomala'bih, to tuo te'da anggena. Kupakala'bihhi, nasaba' ia to kamakuasan-Na sola kaparentan-Na te'da anggena.

Daniel 6:16

Male pole' omi to tau mangngolo lako raja, nakua, “Oo puang, taingaranni kumua situru' atoranna to-Media sola to-Persia, ia to parenta napasun raja te'da nawa'ding disullei.”

Daniel 6:26

Mangkai joo too, massuai Raja Darius nadikiring to sura' lako sininna bangsa, rapu tau na basa lan lili'na lino. “Salama' lako kamu' sola ngasan!

Matius 4:10

Mebalimi nakua, “Ee Ballisi', malaiko! Den diuki' lan Sura' Allataala kumua, ‘La ssompako Puangmu, Puang Allataala, na Ia manda to la mupu-Puang.’ ”

Jamanna Rasulu' 4:19

Apa napebalii nakua, “Tapikkiri' bangmi, umbonna to nakabudai Puang Allataala, nturu'raka parentata' iarika nturu' parenta-Na.

Jamanna Rasulu' 5:19

Apa ia tonna bonginna, den malaeka'-Na Puang ntimbakanni joo ba'ba pangtarungkuan, napasunni to rasulu'. Nakua joo malaeka' ngkuanni,

Roma 12:1

Ee, todipusile'to! Gaja napakamoja'ki' Puang Allataala, susi to kupaissenanmo kamu'. Iamo joo kupakainga' kamu' kumua la mipangben tongan to katuoanmi lako Puang Allataala susi karoba tuo to sipato' dipangben lako Puang. La susiri joo to passompami to nakabudai Puang Allataala.

1 Korintus 13:3

Moi na sininna ewananku' kupassudakkan lako tokaasi-asi, ba'tu mpangbenna' kaleku' ditunu, apa ke te'dai kupakamoja' padangku' rupa tau, manassa ia joo te'da ngasan bua'na lako kaleku'.

Filipi 1:20

Ia to kukadoangngi sola kurannuan, iamo to kumua te'da lalo kuladipakasiri', apa la barani tonganna' mpebalian Kareba Kasalamatan tee too, susi biasanna. Na ia ke susii joo, la dipakala'bih to Almaseh, nasaba' pebalingku', la tuoku', la mateku'.

Ibrani 1:14

Ia to malaeka' mpangjaman Puang Allataala to nasua ntulungngi to tolantarima kasalamatan.

Ibrani 11:37

Den to dirura batu samatena, den digaragaji, na den too dibuno pa'dang. Liu lako liu jio bang mai mangpakean balulang bembala' ba'tu beke, kaasi-asii, dipakario-rioi nadisessa.

1 Petrus 1:21

Almasehmora ammimatappa' lako Puang Allataala, to mangka mpatuo pole'i jio mai kamatean, na mpakala'bih tooi. Jaji, Puang Allataalara mikatappa'i, na Ia manda toora miparannuan.

Pengkitanna Yahya 12:11

Mangkami nataloi padanta' tomatappa' mpake rara-Na Anak Bembala' ba'tu rara-Na Puang Isa na Kareba Kasalamatan to mangkamo napangpeissenan. Te'da najampangngi sunga'na moi na la mpumatei.