Daniel 3:25 - Alkitab Duri

²⁵ Mebalimi raja nakua, “Na ciapai na den appa' tau kukita lumingka-mingka lan tangnga-tangngana joo api, na te'damo natipumpung, na te'da lalo too naciapa. Na ia joo tau laen mesa' susi ia anak dewata.”

Daniel 3:25 ပူးပေါင်းရင်းမြစ်များ

Kada Bulawan 30:4

Indara to mellao mende' suruga? Indara to wa'ding ngka'pan angin? Indara to wa'ding mbukkuq wai mpake kaen, ba'tu nnanggean tampak lino? Ia ke muissenni paui kee, indara sanganna na indara sanganna anakkana?

Daniel 3:18

Apa ia ke susinna te'da Nala'parankan, nang la cia'kan la mpakala'bihhi to dewata tasompa na cia' tookan la ssompai to patung bulawan tapake'deh.”

Daniel 3:24

Sabakanmi Raja Nebukadnezar nata'pa ke'deh metamba lako sininna pangjamana nakua, “Pirara tau kupangpepumpungan nena' namane' dipembuangan tama api? Kusanga talluri.” Mebalii to tau nakua, “Ie', tallura tau!”

Daniel 3:28

Mangkadami raja nakua “Mala'bih Allataala to nasompa Sadrakh, Mesakh na Abednego, to mangka ssua malaeka'-Na lla'paranni to tallu kaunan-Na to ngkatappa'i, to te'da naturu'i to parentaku', na la'bih nakabudai ke matei, na ia ke ssompai apa laen saliwanna Allataala to nasompa.

Daniel 6:23

Ia to Allataala kusompa ssua malaeka'-Na ngkamummunni to anga'na to singa. Iamo joo na te'da naapana', nasaba' te'da aku' kukasalan jio olo-Na Allataala, moi lako kaleta' te'da too kupugauk kagajatan.”

Markus 16:18

Ianna ntoe ulah bolong, ba'tu nniso' racun, te'da namatumba. Ianna kaka'i tuu lako tomasaki, la malagah.”

Lukas 1:35

Mebalimi joo malaeka' nakua, “Roh Allataala la rratuiko na kuasan-Na Puang Allataala la torro ssolanko. Iamo joo namala'bih joo pea la jaji nadisanga Anak Allataala.

Jamanna Rasulu' 28:5

Apa napempi'pikanni Paulus joo ulah tama api, na moi cinding te'dara naciapa.

Roma 1:4

apa ianna kuasa kapuanganna, disangai Anak Allataala. Manassa to kuasan-Na, nasaba' tuo pole'mi jio mai kamatean.

1 Petrus 3:13

Te'da tau la mpugauk kagajatan lako kamu' ke masannang bang kamu' mpugauk kameloan.