Daniel 3:12 - Alkitab Duri

¹² Apa den to-Yahudi to mangka tapabarakkanni mparenta propinsi Babel, te'da naturu'i joo parenta. Iamo to Sadrakh, Mesakh na Abednego. Ia tee tau cia'i mpakala'bihhi to dewata tasompa na cia' tooi ssompai to patung bulawan tapake'deh.”

Daniel 3:12 ပူးပေါင်းရင်းမြစ်များ

Ester 3:8

Mangkadami Haman lako raja nakua, “Ie' Raja, den mesa' bangsa makalaen-laen, to silele jio simesa'-mesa' propinsi inde' karajaan. Gaja sisala ada'na na ia to ada'ta'. Te'da naturu'i to atoran inde' karajaan. Jaji melo ke danggi' taeloranni mpupangngeloh bang elohna.

Kada Bulawan 27:4

Ia to kamabirisan mpaden kamaparrangan, na kamagallian mpaden kamasolangan, apa ia to mangngimburu la'bih maparrangpa. Indara wa'ding nnoloi?

Daniel 1:7

Apa nasulleii kapala istana to sanganna Daniel menjaji Beltsazar, Hananya menjaji Sadrakh, Misael menjaji Mesakh, na Azarya menjaji Abednego.

Daniel 2:48

Mangkai joo too, napaendekmi raja to pangka'na Daniel naben tooi buda paraseng to kaminang maballo. Daniel menjaji tomakuasa lan sininna propinsi Babel, na ngkapalai toopa sininna tomacca lan istana.

Daniel 2:49

Apa napeta'dai Daniel, naben tooi raja lako Sadrakh, Mesakh na Abednego to kaparentan lan propinsi Babel, anna balii mangparenta, na ia to Daniel torro ia lan istana.

Daniel 3:11

Na inda-inda to te'da naturu'i tee parenta nang la dipembuangan tama api to gaja liwa' lussu.’

Daniel 3:16

Mebalii Sadrakh, Mesakh na Abednego lako Raja Nebukadnezar nakua “Ie' puang, te'da bua'na kipebalii tuu pekutananta'.

Daniel 3:29

Iamo joo kupangparentanni kumua, ia to simesa'-mesa' tau jio mai bangsa, rapu na basa, to mpau kada tangnnangga' Allataala to nasompa Sadrakh, Mesakh na Abednego, la dita'tak-ta'tak na ia to bolana la diro'pokan naditombon menjaji burauk, nasaba' te'da ia dewata la ngkullei mangpasalama' susi to mangka Napugauk Allataala to nasompa.”

Daniel 3:30

Mangkai joo too napaendekki raja to pangka'na Sadrakh, Mesakh na Abednego, arannai menjaji tomajao pangka'na lan propinsi Babel.

Daniel 6:13

Mangkai joo too malemi to tongkaba'ci Daniel mangngolo lako raja mpangpeasanni nakua, “Oo puang, tangmangkamoraka tateken to sura' parenta nnanggai tau massambajang tallung pulo allona masainna lako dewata ba'tu lako tau saliwanna lako manda kita'? Na ia to totangmpesa'dingngi joo atoran, la dica'bean tama lo'ko' singa.” Namebali raja nakua, “Tongan joo. Mangkamo kuteken joo sura' parenta menjaji atoranna to-Media sola to-Persia to te'damo nawa'ding disullei.”

Daniel 6:14

Mebali pole' omi to tau nakua, “Ia to Daniel sala mesa'na to todipali' jio mai tana Yehuda, cia' mpesa'dingngiki' na te'da naturu'i to parentata', kannori massambajang lako Allataala sipentallun sangngallo.”

Jamanna Rasulu' 17:7

napupangbongii Yason jio bolana. Ia tee tau te'da nakasiri'i to parentana Tomaraja Roma, sanga nakua ia kumua, denpa ia raja laen disanga Puang Isa.”

Jamanna Rasulu' 5:28

Nakuanni, “Ee, kusanga mangkamo kamu' kianggai kumua danggi' lalo mipangpangngajaranni to Puang Isa. Ammipugauk pole' omi joo? Kannori mipatitaleh to pangngajaranmi lan lili'na kota Yerusalem, ammilantanda omokan kumua kami' ntumangngi namate joo tau.”