Daniel 3:1 - Alkitab Duri

¹ Den wattu napangparentanni Raja Nebukadnezar anna dikabua' to patung bulawan, duangpulo pitu metere' tandena, na ci'di'mora na tallu metere' sangkahna. Napake'dehhi jio padang lappah Dura jio propinsi Babel.

Daniel 3:1 ပူးပေါင်းရင်းမြစ်များ

Ester 1:1

Jio Persia tonna anu' den raja disanga Ahasweros to torro jio benteng Susan, iamo kota lompo Persia. Ia joo Raja Ahasweros mparenta saratuh duangpulo pitu propinsi, mangpamula jio mai tana India ratu lako tana Etiopia.

Daniel 2:48

Mangkai joo too, napaendekmi raja to pangka'na Daniel naben tooi buda paraseng to kaminang maballo. Daniel menjaji tomakuasa lan sininna propinsi Babel, na ngkapalai toopa sininna tomacca lan istana.

Daniel 2:49

Apa napeta'dai Daniel, naben tooi raja lako Sadrakh, Mesakh na Abednego to kaparentan lan propinsi Babel, anna balii mangparenta, na ia to Daniel torro ia lan istana.

Daniel 3:14

mangkadami raja lako nakua, “Ee Sadrakh, Mesakh na Abednego, tongannaraka cia' kamu' mpakala'bihhi to dewata kusompa sola cia' too kamu' ssompai to patung bulawan mangka kupake'deh.

Daniel 3:30

Mangkai joo too napaendekki raja to pangka'na Sadrakh, Mesakh na Abednego, arannai menjaji tomajao pangka'na lan propinsi Babel.

Daniel 5:23

La'bih tapamajao to kaleta' na ia to Puang Allataala jao suruga, barani tooki' massua nnalai to isotan, to narampa ambe'ta' lan mai Bola Puang Allataala ba'tu piran, tapake mangngiso' sola baineta' na baine laenta' sola to tomajao pangka'na. Tapakala'bih too dewata to te'da napakita ba'tu te'da napasa'ding sola te'da napaissen to dikabua' jio mai bulawan, salaka, tambaga, bassi, kaju na batu. Te'da tametaratte' lako Allataala to ntoe sunga' na lalan katuoanta'.

Daniel 5:4

Ia tonna nniso'mo anggoro' sola ngasan, mpakala'bihmi dewata dikabua' jio mai bulawan, salaka, tambaga, bassi, kaju sola batu.

Jamanna Rasulu' 17:29

Te'da tawa'ding mpapadai tau-tau bulawan, ba'tu salaka, ba'tu tau-tau batu, panggaraga to tomacca, nasaba' bati'naki' Allataala.

Jamanna Rasulu' 19:26

Na mikita na misa'ding toomo to apa napugauk Paulus. Nakua ia kumua, ia to dewata nagaraga tolino, te'da lalo nasipato' la disompa. Na budamo tau napalao sala ngkatappa'i pangngajaranna, te'da na inde' manda kota Efesus, apa sala-sala lan lili'na propinsi Asia.

Pengkitanna Yahya 9:20

Ia tuu lako tau laen to mangkamo disessa apa te'da namate, te'da natorroii ssompa dewata to nagaraga susi tau-tau jio mai bulawan, salaka, tambaga, batu na kaju. Apa ia joo tau-tau mamang, te'da napakita ba'tu lumingka.