Daniel 2:9 - Alkitab Duri

⁹ la disessa ngasan kamu' sangrupa pangsessa ke te'dai miissenni mpauanna' joo tindo. Mesa' kada kamu' nnuraga tarruhna' sola mpaningoanna', parannu kamu' kumua la kusullei to kara'tasanku'. Pauanmo' mai joo tindoku', kuissenni kumua macca una kamu' mbattuanannii.”

Daniel 2:9 ပူးပေါင်းရင်းမြစ်များ

Ester 4:11

“Masussana' la mangngolo, sanga den atoran kumua ia to simesa'-mesa' tau, la muane la baine ke te'dai natambaii raja mangngolo lan rante istana, namale bang, nang la dipatei ia. Iamo joo atoran lan istana naissen ngasan tau mangpamula jio mai tomangpakainga'na raja, iarika tau biasa lan propinsi. Mesa'ra lalan dinii la'pah jio mai joo atoran, iamo ke mpupangjillokki tekken bulawanna raja lako joo tau mangngolo. Apa denmo sangbulan tee, te'da natambaina' raja.”

Kada Bulawan 12:19

Ia to kada katonganan messun jio timu tatta' diingaran, apa ia to kada tangtongan cingga'tu'ra natangdiingaran.

Daniel 2:16

Ta'pa malei Daniel mangngolo lako raja, nameta'da nadiben jolo' wattu, la mpemanassaii battuananna joo tindo.

Daniel 2:21

Iamo mpattantu sininna wattu. Ia toomo nnangka'i sola mpasoro'i to tomakuasa. Ia toomo mbenni kapaissenan sola kamapahangan lako tomacca.

Daniel 2:8

Nasa'dingna raja joo kadanna to tomacca, ta'pa mebalimi nakua, “Nang susimo tuu to kupikkiri' kumua nnala kamu' wattu, nasaba' miissen kumua mangkamo' nnala kara'tasan

Daniel 3:15

Ia tee too ke nnonimi to parewa mossi', sadiara kamu'ka la mpakala'bihhi sola ssompai joo patung bulawan? Ia ke cia' kamu' la ta'pa dipembuangan kamu' tama api to gaja liwa' lussu. Na te'da dewata to la ngkullei mpasalama' kamu' jio mai pangsessaku'.”

Daniel 5:28

Ditawa-tawa battuananna, ‘Ia to karajaanta' ditawa-tawa nadiben to-Media sola to-Persia.’ ”

Daniel 7:25

La mpaui kada to nnewa Allataala Tomala'bih, nasessa tooi to umma'-Na. La mpengkulle-kullei ssullei atoran sola wattu pangmaroasan to mangka Napattantu Allataala, naparentai to umma'-Na Allataala tallung taun sitangnga.

2 Korintus 2:17

Te'da kisusi to napugauk buda tau, kumua ia to kadan-Na Puang Allataala napasusi bangri ewanan didangkangan. Apa maruruh to akkattaki'. Puang Allataala Ia ssuakan mpangpeissenanni joo karebanna Almaseh na Iamo ngkitakan kumua kipangpeissenanni susi to sipato'na taun-Na Almaseh.