Daniel 2:49 - Alkitab Duri

⁴⁹ Apa napeta'dai Daniel, naben tooi raja lako Sadrakh, Mesakh na Abednego to kaparentan lan propinsi Babel, anna balii mangparenta, na ia to Daniel torro ia lan istana.

Daniel 2:49 ပူးပေါင်းရင်းမြစ်များ

Ester 2:19

Ia tonna mangpenduannamo dirempun to ana'dara, naangka'mi raja to Mordekhai menjaji pangjama lan istana.

Ester 2:21

Den wattu, tonna mangjamamo Mordekhai lan istana, na den dua tau pangjaga babangan istana disanga Bigtan sola Teresh sikangkolo'i la mpatei Raja Ahasweros, nasaba' liwa' nakaba'ci.

Ester 3:2

Napangparentanni raja lako sininna pangjamana anna ditaratte' Haman, na mengguntu' ssuju'i. Naturu' ngasan tau joo parenta, saliwanna Mordekhai.

Kada Bulawan 28:12

Ia ke pataloi to tomakassing, buda tau masannang. apa ia ke togaja' diben kuasa mangparenta, napessalai tau.

Daniel 1:17

Allataala mbarakka'ii kapaissenan joo appa' kallolo anna macca nnissenni to mangrupa-rupa pangnguki' na mandalan pangtangngaranna lan sininna pangngajaran to diajaranni. Apa ia to Daniel Nabarakka'i pole'pa Allataala kapaissenan la mbattuananni tindo sola mpamanassa pengkita.

Daniel 1:7

Apa nasulleii kapala istana to sanganna Daniel menjaji Beltsazar, Hananya menjaji Sadrakh, Misael menjaji Mesakh, na Azarya menjaji Abednego.

Daniel 2:17

Mangkai joo too polemi Daniel lako bolana napau ngasanni sininna to apa mangka jaji lako Hananya, Misael na Azarya.

Daniel 3:1

Den wattu napangparentanni Raja Nebukadnezar anna dikabua' to patung bulawan, duangpulo pitu metere' tandena, na ci'di'mora na tallu metere' sangkahna. Napake'dehhi jio padang lappah Dura jio propinsi Babel.

Daniel 6:2

Naangka'i saratuh duangpulo to gubernur to la mparenta propinsi lan karajaan.

Amos 5:15

Danggi' mikabudaii mpugauk kagajatan, apa kameloanra mipugauk, mimaruruh rra'tah kara-kara. Dennaa upa' Nakamaseii PUANG Allataala to makuasa to to-Israel to tuo unapa.