Daniel 2:44 - Alkitab Duri

^44-45 Mangkamo takita to batu lan tindota', to kumua te'da ia tau rrumbui, na tilu'bak jao mai buntu, nabasai nasisarambuan joo patung to dikabua' jio mai bassi, tambaga, litak pitti', salaka na bulawan. Battuananna: ia tonna mangparenta unapa to raja, ia to Allataala jao suruga la mpaden kaparentan tatta' te'da anggena, na te'da lalo ia to bangsa la ntaloi. Kaparentan iamo joo la nnancuru'i joo appa' kaparentan. Napangpeissenanni Allataala Tomala'bih lako kita' to apa la dioloi lako. Ia joo tindo wa'ding dikatappa'i, na ia to battuananna kupau tongan.”

Daniel 2:44 ပူးပေါင်းရင်းမြစ်များ

Daniel 2:28

Apa Allataala jao suruga mpamanassai to sininna apa tangnaissen tau, na Iamo mangka mpangpekitanni lako kita' to apa la jaji tee wattu la dioloi lako. Susimi tee to tindo sola pengkita, to takita tontamamma'.

Daniel 2:34

Ia tontakita unapi, ta'pa den mesa' batu liwa' tonggo tilu'bak moi na te'da tau rrumbui, naro'pokkii to ajena joo patung to bassi sirau litak na ancuru'.

Daniel 2:35

Wattu ia bang unamo joo nata'pa ro'pok joo patung, namenjaji bassi titombon, litak pitti', tambaga, salaka, na bulawan to maninnangmo susi au iarika sowok jio to' dinii massambak resa', napasisarambuanni angin na moi ngenanna te'damo dikita. Apa ia joo batu rro'pokanni joo patung, menjajii buntu gaja tonggo na mponnoi sininna lino.

Daniel 2:37

Tomala'bihku' Raja Nebukadnezar, kita'mo raja mala'bih jio mai sininna raja. Nabenmiki' Allataala jao suruga tee kaparentan, kakuasan, kamawatangan sola kamala'biran.

Daniel 2:43

Kasirauanna bassi na litak pitti', mesa' too tanda to kumua ia joo kaparentan nnangah lalan la mpemawatangngi kalena, iamo na la mpasibalii to pada bati'na, apa te'da assele'na joo akkattana, susi unai to bassi te'da nasikalamma' litak pitti'.

Daniel 4:3

Liwa' mala'bih to tanda mejangngaran Napugauk. Ia to kaparentan-Na, mangpapa'-papa' te'da anggena.

Daniel 4:34

Apa ia tonna ganna'mo pitung taun, ia tee aku' Nebukadnezar, mentingngarana' de' langi', na pole pole' to pangngingaranku'. Ta'pa kupujii, kupakala'bihhi kusompai Allataala Tomala'bih, to tuo te'da anggena. Kupakala'bihhi, nasaba' ia to kamakuasan-Na sola kaparentan-Na te'da anggena.

Daniel 6:26

Mangkai joo too, massuai Raja Darius nadikiring to sura' lako sininna bangsa, rapu tau na basa lan lili'na lino. “Salama' lako kamu' sola ngasan!

Daniel 6:27

Kupangparentan lako sininna tau to torro lan kaparentanku' anna taratte'i to Allataala to tuo te'da anggena to nasompa Daniel. Ia to karajaan-Na te'da na la lanynya' na ia to kamangparentan-Na te'da anggena.

Daniel 7:27

Na ia to kamangparentan, kakuasan sola kamala'biranna kaparentan lan sininna lino la dipangbengan lako umma'-Na Allataala Tomala'bih. Ia to kaparentanna la tarruh te'da anggena, na sininna tomakuasa la tatta' mpangjamanni na mangpesa'ding.’

Daniel 8:25

Gaja mangngakkalanni na nnuraga buda tau. Nnangga' majao bang kalena, liwa' matampo. Te'da napau-paui, na te'da nakalannai tau nata'pa nnancuru'i. Moi Allataala, Raja ngkuasai sininna raja, naewa too. Katampakanna ditaloi, apa tangngia tolino ntaloi.

Matius 28:18

Nakandoppi'mi to anak gurun-Na namangkada nakua, “Sininna kuasa la jao suruga, la lan lino, mangkamo diben lako Aku'.

Yahya 12:34

Nakua to tobuda ngkuanni, “Menuru' to diuki' lan Sura' Allataala, ia to Raja Mangpasalama' la tuo te'da cappa'na. Matumbai takua kumua ia to Anak Mentolino la dipamajao lan lino? Indara pale' joo Anak Mentolino?”

Ibrani 12:28

Iamo joo la mangkurru sumanga'ki' lako Puang Allataala, sanga tatarimamo jio mai kale-Na to mesa' kaparentan tangtiroge. Takalaja' takasiri'i antamassompa lako Puang Allataala situru' pakkaeloran-Na,

Pengkitanna Yahya 11:15

Mangkai joo too ia to malaeka' mangpempitu mpannoni tarompe'na, naden gamara liwa' tonggo disa'ding jao suruga nakua, “Mammula tee too ia to lino menjajimi kadatuan-Na Puangta' Puang Allataala sola Raja Mangpasalama' to mangkamo napilei la mangparenta te'da cappa'na.”

Pengkitanna Yahya 2:27

La kuben too tekken bassi, napake mangparenta naicak-icakki to bangsa, nasisamboh-samboh susi kurin litak ke pokai.