Daniel 2:40 - Alkitab Duri

⁴⁰ Mangkai joo too la ollong omi to kaparentan mangpennappa' to mawatang susi bassi. Susi bassi, mawatang mpokan ba'tu nnancuru' sininna apa, susi toomi joo to kaparentan mangpennappa' la nnancuru'i joo tallu kaparentan jolona.

Daniel 2:40 ပူးပေါင်းရင်းမြစ်များ

Daniel 2:33

Ia to upanna bassi na ia to ajena bassi sirau litak pitti'.

Daniel 2:39

Apa ia tonna te'damo tamangparenta, la den pole' omi tomangparenta laen, apa te'damo napada kamawatanganna kaparentanta'. Sitarruhna ollong omi to kaparentan mangpentallun, iamo na pangpekitan joo tambaga jio patung, to la ngkuasai sininna lino.

Daniel 2:41

Ia to ajena sola jarinna joo patung to jio mai litak pitti', na bassi pira', mpangpekitanni to kumua undinna joo kaparentan la titawa-tawa. Den too kamawatanganna joo kaparentan susi bassi, nasaba' ia to litak pitti' dipasirau bassi.

Daniel 7:7

Mangkai joo too, kukita omi lan tindoku', den omo olok-olok mangpennappa', gaja watang naliwa' melajatan. Ia to isinna bassi na gaja tonggo. Nagaru'tukki bang naamma'i to apa nakande, na ia to sesanna nalullu'. Silaenan ia na ia to olok-olok jolona, sangpulo toopa ia tandukkuna.

Daniel 8:24

Naliwa' mawatang, apa tangngia kamawatanganna mesa. La nacappu'i ngasan sininna to tonnewai. Ia to apa nakadoangngi la keassele' ngasan. La nataloi to tomakuasa, na la nnancuru' too umma'-Na Allataala.

Daniel 9:26

Ia tonna cappa'namo joo wattu la dipateii joo mesa' tau mangka Napilei Puang Allataala mangparenta, moi na te'da lalo salana. Ratumi mesa' raja to gaja lapuh sola surudadunna la ssolangan kota Yerusalem sola Bola Puang Allataala, apa la matei nasaba' wai saba', na ratu lako ke la kama'mi lino la den kasirarian sola kaancurusan susi to mangka Napattantu Puang Allataala.

Amos 1:3

Mangkada-I PUANG Allataala Nakua, “Ia to to-Damsyik pembuda bangmo mpugauk kagajatan, iamo joo nang la Kusessai. Nasaba' gaja maparrang ssessa to-Gilead napandasa-dasa tonganni susi pare dilullu'.

Yahya 11:48

Na ia ke tapupangngelohna bangngi susi joo, la matappa' ngasan to tobuda lako kale-Na. Katampakanna, ratu to tomangparenta to-Roma rro'pokanni to Bola Puang Allataala sola ssa'buii bangsata'.”