Daniel 2:4 - Alkitab Duri

⁴ Mebalii mpake basa Aram to tomacca battuananni apa jaji jao langi' nakua, “Oo puang, malambeh sunga'ki' te'da anggena! Tacuritanmokan joo tindota', kipamanassai apara to battuananna.”

Daniel 2:4 ပူးပေါင်းရင်းမြစ်များ

Daniel 1:4

Iamo to kallolo te'da caccana, melo rupanna, mandalan pangtangngaranna, macca na buda kapaissenanna dikua anna sipato' mangjama lan istana raja. Massua toomi raja, anna ajahhi Aspenas pangnguki' sola basana to-Babel.

Daniel 2:7

Mebali pole' omi to tomacca nakua, “La tapauanrakan jolo' joo tindota', kimane' mbattuanannii.”

Daniel 3:9

Mangkadami lako Raja Nebukadnezar, nakua, “Ie' puang, malambeh sunga'ki'!

Daniel 4:19

Takkajanna'i na malaja' Daniel to disanga too Beltsazar. Apa ia tee aku' raja mangkada omo' kukua, ‘Beltsazar, danggi' mupuselangngi joo tindo sola battuananna!’ Mebalii Beltsazar nakua, ‘Ie' kita' puang, ma'namo na ewata' la natula to apa jaji lan tindota', danggi'mo na kita'!

Daniel 4:7

Ratu ngasanmi to topaissen-issen, tomangbaca-baca, tomacca mbattuananni apa jaji jao langi' sola topakita-kita kucuritanni lako joo tindoku', apa te'da tonnissenni battuananna.

Daniel 4:9

‘Ee Beltsazar, ikomo to ngkapalai sininna topaissen jio tana Babel! Kuissen kumua gaja liwa'ko nabarakka'i dewata, arannai muissen ngasan iko to apa tangkaissenan lako tau. Pesa'dingngii tee tindoku' mubattuanannii.

Daniel 5:10

Ia tonna sa'dingngi indona Raja Belsyazar to nasipangkadai raja sola tomapangka'na, mentamami ngenan to nanii kumande raja sola toratunna, namangkada nakua, “Oo puang, malambeh sunga'ki', tapamatanai penawanta', danggi' na putibaliangngi lindota'.

Daniel 5:8

Apa sininna to tomacca mangka mangngolo, te'da lalo macca mbacai sola mbattuanannii joo pangnguki'.

Daniel 6:21

Ia tonna mandoppi'mo lako lo'ko' singa massemi penawanna ntambai Daniel nakua, “Daniel, taun-Na Allataala to tuo, Napasalama' unarokoka Allataala, to te'da napaja musompa, na te'da nakandeko singa?”

Daniel 6:6

Nasipangkadaimi sola ngasan kumua, “Ia mandara la tanii nnampa' kasalanna Daniel ke siumpu'na agamanna.”

Daniel 6:7

Ta'pa male ngasanmi mangngolo lako raja, nakua, “Ie' puang, malambeh sunga'ki' tarruh-tarruh te'da anggena.

Matius 21:9

Ia to tonjoloii sola toundi jio boko'na Puang Isa simetamba-tamban nakua, “Pakala'bihhi bati'na Raja Daud! Dibarakka'i to toratu mpusanga sangan-Na Puang. Pakala'bihhi Puang Allataala jao kaminang majaona!”