Daniel 2:38 - Alkitab Duri

³⁸ Allataala mpupenjajiki' ngkuasai sininna tolino, takuasai too olok-olok na manuk-manuk. Kita'mo to dipangpasusii joo ulu patung jio mai bulawan.

Daniel 2:38 ပူးပေါင်းရင်းမြစ်များ

Daniel 1:2

Naeloranni Puang Allataala ntaloi to Raja Yoyakim, narampai pira' to parewanan makarama' to dipake massompa lan Bola Puang Allataala. Ia to tonatalo Raja Nebukadnezar, napali'i lako Babel, na ia joo parewanan dipake massompa mangka narampa, nabawai lako bola dewata to nasompa naannai jio ngenan to dinii nnanna parewanan makarama'.

Daniel 2:32

Ia to ulunna bulawan massang, na ia to babara'na sola takeahna salaka, na ia to awakkana sola pondokkona tambaga.

Daniel 2:39

Apa ia tonna te'damo tamangparenta, la den pole' omi tomangparenta laen, apa te'damo napada kamawatanganna kaparentanta'. Sitarruhna ollong omi to kaparentan mangpentallun, iamo na pangpekitan joo tambaga jio patung, to la ngkuasai sininna lino.

Daniel 4:18

Ia tee aku' Raja Nebukadnezar mpatarruhna' kadangku' kukua, ‘Ee Beltsazar, susimi joo to tindoku'. La mupauanna' battuananna, saba' sininna tomacca lan kaparentanku' te'da nnissenni battuananna, apa ikomo to maka la mpauanna', sanga nabarakka'iko dewata.’

Daniel 5:18

Nakua toopa Daniel, “Ie', ia to Nebukadnezar ambe'ta', Allataala Tomala'bih mpupenjajii raja lompo Nabenni kakuasan, kamawatangan sola kamala'biran.

Daniel 7:4

Ia to bungahna endek, susi singa na kepani' susi pani' langkan. Ia tongkukita unapi, ia to pani'na tirebu', natiangka' jio mai litak dipake'dehhi to ajena dua susi tolino, nadiben toopa penawa susi tolino.