Daniel 2:30 - Alkitab Duri

³⁰ Ia tee apa tangkaissenan, mangkamo dipamanassa lako aku', te'da to kumua la'bih maccana' na tolaen, apa dikua antawa'ding nnissenni battuananna joo tindota', antapahang tooi to apa tapikkiri'.

Daniel 2:30 ပူးပေါင်းရင်းမြစ်များ

Daniel 1:17

Allataala mbarakka'ii kapaissenan joo appa' kallolo anna macca nnissenni to mangrupa-rupa pangnguki' na mandalan pangtangngaranna lan sininna pangngajaran to diajaranni. Apa ia to Daniel Nabarakka'i pole'pa Allataala kapaissenan la mbattuananni tindo sola mpamanassa pengkita.

Daniel 2:47

Mangkadami raja lako Daniel nakua, “Nang la'bih makuasa to Allataala musompa, na ia to puang iarika raja laen. Ia toomo to mpamanassai to sininna apa tangkaissenan. Kuissenni joo, nasaba' napangpeissenanmo lako iko to apa la jaji.”

Daniel 2:49

Apa napeta'dai Daniel, naben tooi raja lako Sadrakh, Mesakh na Abednego to kaparentan lan propinsi Babel, anna balii mangparenta, na ia to Daniel torro ia lan istana.

Amos 4:13

Puang Allataala to mpaden buntu sola angin. Napangpeissenanni lako tolino to to akkatta-Na. Ia mpadenni to allo na bongi, Nalumingka jao buntunna lino. PUANG Allataala to makuasa iamo sangan-Na.

Matius 24:22

Na ia kenna te'da napemadoi'i Puang Allataala nnanggeii joo wattunna, te'damo tau la salama'. Apa napemadoi'i, nasaba' umma'-Na to mangka napilei.

Markus 13:20

Na ia kenna te'da napemadoi'i Puang Allataala nnanggeii joo wattunna, te'damo tau la salama'. Apa napemadoi'i nnanggei, nasaba' umma'-Na to mangka napilei.

Jamanna Rasulu' 3:12

Ia tonna kitai Petrus to tobuda nakuamo, “Ee, to-Israel, matumbari mijangngahra? Matumbari mikaje'jek tarruh bangkan? Misangaraka kumua kapakulleanki'ra ba'tu kamenturusanki' lako Puang Allataala anna wa'ding lumingka tee tau?

Roma 8:28

Taissen kumua Puang Allataala Ia nnatoro'i to sininna apa, anna benni kameloan lako to tompakamoja'i, to napileimo situru' eloh-Na.

2 Korintus 4:15

Ia to kamaparrisan kiperasai la mipumelona. Nasaba' ia ke sabuda-budanna tau mperasai kameloan penawan-Na Puang Allataala, sabuda-budanna tooi pangkurrusumanga' dipaendek de' Puang Allataala, anna Ia manda dipakala'bih.