Daniel 2:22 - Alkitab Duri

²² Iamo mpamanassai to apa mandalan na tangkaissenan. Naissen ngasan sininna to apa jaji lan kamalillinan. Natalimbungngi arrang to liwa' macora.

Daniel 2:22 ပူးပေါင်းရင်းမြစ်များ

Daniel 2:11

Gaja sussa ia tuu peta'danta'. Moi ia mesa' tau te'da ia ngkullei mpauanki' joo tindota' saliwanna dewata, apa te'daka ia namari'pih sola tolino.”

Daniel 2:19

Ia bang unamo joo bongi, Napangpekitanni Allataala lako Daniel lan mesa' pengkita to apa membuni lan joo tindo. Iamo joo na mpakala'bih Allataala jao suruga to Daniel

Daniel 2:47

Mangkadami raja lako Daniel nakua, “Nang la'bih makuasa to Allataala musompa, na ia to puang iarika raja laen. Ia toomo to mpamanassai to sininna apa tangkaissenan. Kuissenni joo, nasaba' napangpeissenanmo lako iko to apa la jaji.”

Daniel 5:11

Nasaba' lan tee kaparentanta' den mesa' tau to gaja nabarakka'i roh dewata. Ia tonna ba'tu piran, tonna mangparenta Raja Nebukadnezar ambe'ta', ia joo tau dibarakka'i pangpikkirisan melo sola kamaccan, na kapaissenanna susi kapaissenan dewata. Naangka'i Raja Nebukadnezar joo tau ngkapalai sininna topaissen-issen, tomangbaca-baca, tomacca mbattuananni apa jaji jao langi' sola topakita-kita.

Daniel 5:14

Kuissenmo kumua gaja nabarakka'iko dewata, arannai melo pangpikkirisanmu, kamaccanmu sola kapaissenanmu.

Matius 13:13

Iamo joo kupake pangpasusian ke mangngajahhina' lako tobuda, nasaba' moi namengkita, apa susi to te'da napakita. Moi nasa'ding, apa susi totangpasa'ding na te'da napahangngi.

Yahya 1:9

Ia joo Kada, iamo Arrang tongan, ratumo tama lino nnarrangngi penawanna sininna tolino.

Yahya 21:17

Mangpentallunna Puang Isa ngkutanaii nakua, “Simon anakkana Yona, mupakamoja'ra'ka?” Memmassei penawanna Petrus, nasaba' pentallunmi nakutanai Puang Isa. Mebali omi Petrus nakua, “Oo Puang. Kita' nnissenni to sininna apa. Taissen kumua kupakamoja'ki'!” Nakua Puang Isa ngkuanni, “Rewai to bembala'-Ku'.

Yahya 8:12

Mangkada pole' omi Puang Isa lako tobuda nakua, “Aku'mo arrang to nnarrangngi penawanna tolino. Ia to tonturu'na', te'da nalalumingka lan kamalillinan, apa la nnampui arrang to mbenni katuoan.”

1 Korintus 4:5

Iamo joo danggi' mimadoi' bang mpasala tau kumua tokasalan, ba'tu ntongananni kumua tomelo, sanga te'dapa nadete'i wattunna. Tajanni karatuan-Na pole' Puang, sanga Ia la nnarrangngi to apa membuni. Ia too la mpapajanni to akkattana tolino to nabunianan lan penawanna. Ia joo wattu mane'ri napuji Puang Allataala to tau, to tosipato' dipuji.

Efesus 3:5

Ia tonna jolona ia joo akkatta-Na te'da bang tolino dipauan, apa ia tee too mangka napangpeissenanmo Roh Allataala lako rasulu'-Na sola nabin-Na.

1 Timotius 6:16

Ia manda to te'da nataloii kamatean. Moi mesa' tau te'da ssarai ngkandoppi'i to arrang nanii torro. Moi mesa' tau te'da ngkitai, nang la te'da tau ngkitai. Iamo tomakuasa dipakala'bih te'da cappa'na. Amin.

Ibrani 4:13

Moi mesa' to apa kepenawa te'da membuni jio olo-Na Puang Allataala. Sininna apa pajan jio olo-Na Puang Allataala. Na la tapebalii to panggaukanta' lako Puang Allataala.

Yakub 1:17

Sininna to apa melo na te'da caccana pole jao mai suruga, nabenki' Puang Allataala, to mpaden allo, bulan sola bintuin jao langi'. Te'da natibalik to sipa'-Na Puang Allataala na tatta' too to akkatta-Na.

1 Yahya 1:5

Iamo tee kareba to mangka kisa'ding jio mai Puang Isa to kipangpeissenan lako kamu' kumua Arrang to Puang Allataala, battuananna te'da lalo kasalan napugauk.