Daniel 2:21 - Alkitab Duri

²¹ Iamo mpattantu sininna wattu. Ia toomo nnangka'i sola mpasoro'i to tomakuasa. Ia toomo mbenni kapaissenan sola kamapahangan lako tomacca.

Daniel 2:21 ပူးပေါင်းရင်းမြစ်များ

Ester 1:13

Den kabiasanna raja, iamo to mpeta'da pangtimbangan lako tomacca mangra'tah kara-kara sola tonnissen ada'. Iamo joo natambaii to tomangpakainga'na to la'bih nnissen kara'tasan matumba to nang la dipugauk ke denni passalan susinna to napugauk Datu Wasti.

Daniel 1:17

Allataala mbarakka'ii kapaissenan joo appa' kallolo anna macca nnissenni to mangrupa-rupa pangnguki' na mandalan pangtangngaranna lan sininna pangngajaran to diajaranni. Apa ia to Daniel Nabarakka'i pole'pa Allataala kapaissenan la mbattuananni tindo sola mpamanassa pengkita.

Daniel 10:1

Ia tonna taun mangpentallunnamo kaparentanna Koresh rajana to-Persia, ratumi pepasan-Na Puang Allataala lako Daniel to disanga too Beltsazar. Tongan joo pepasan mpaui kumua la den kasirarian la'da'. Naparinawa tonganni Daniel joo pepasan, napemanassaii to pengkita ratu lako kalena.

Daniel 11:6

Ba'tu pirang-pirang taun mangkanna joo ia joo raja karajaan lo'na liu mpadenni kasibassean sola raja karajaan jajanna liu. La napasibalii to anakkana baine sola raja karajaan jajanna liu. Apa ia joo kakuasan te'da namasain, na te'da napatarruhhi bati'na nasaba' dipateii joo baine sola muanena na anakkana, moi to kaunanna male ssolanni dipatei too.

Daniel 2:20

nakua, “Pakala'bihhi Allataala tarruh-tarruh te'da anggena, nasaba' Iamo to mandalan pangpikkirisan-Na na makuasa.

Daniel 2:23

Oo Allataala to nasompa tojoloku', kupuji-Ki', kupakala'bih too-Ki', nasaba' Tabenmo' kapaissenan sola kamawatangan. Tatarimami to peta'danki'. Na mangkamokan Tapakitan to apa la kipebalian raja.”

Daniel 2:9

la disessa ngasan kamu' sangrupa pangsessa ke te'dai miissenni mpauanna' joo tindo. Mesa' kada kamu' nnuraga tarruhna' sola mpaningoanna', parannu kamu' kumua la kusullei to kara'tasanku'. Pauanmo' mai joo tindoku', kuissenni kumua macca una kamu' mbattuanannii.”

Daniel 4:14

Napeandongngi gamaranna nakua, “Ta'bangngi joo barana' sola petangkei tooi. Rondo'i nasisamboran to daunna nasipolloran to buanna! Ake'mo namalai to olok-olok mentiongan jiong garonto'na joo barana' na simentiasan to manuk-manuk jio mai tangkena.

Daniel 4:17

Ia tee pepasan ba'tu kara'tasan kupau situru' to napattantu malaeka'-Na Allataala, dikua naissen ngasanni tolino kumua ia to Allataala Tomala'bih ngkuasai karajaanna tolino. Mpangbengan karajaan lako tau to Nakabudai, moi na lako tobiccu'.”’

Daniel 4:22

Oo puang, kita'mo dipasangrapang joo barana', to samatonggo-tonggona na mawatang ratu de' langi'. Susimi joo kamala'biranta' sakerangngan-rangnganna na kakuasanta' ratu lako lili'na lino.

Daniel 4:32

La diula'iki' jio mai tangngana tau, tamale tuo sola olok-olok masia'. Na reu la mukande susi sapin. La susiko joo pitung taun masainna, arannai muakui kumua ia to Allataala Tomala'bih ngkuasai karajaanna tolino. Nampangbengan kuasa lako inda to Nakadoangngi la mangparenta.’

Daniel 7:25

La mpaui kada to nnewa Allataala Tomala'bih, nasessa tooi to umma'-Na. La mpengkulle-kullei ssullei atoran sola wattu pangmaroasan to mangka Napattantu Allataala, naparentai to umma'-Na Allataala tallung taun sitangnga.

Lukas 21:15

Aku' kalena la mben kamu' kapaissenan umbo mikua la mebali, anna te'da nakullei ewalimmi mbalii iarika mpasalai apa to mipau.

Roma 13:1

Parallu kamu' nturu' atoran tomangparenta, nasaba' te'da ia to tomangparenta tangnapattantu na te'da too to tangnaben kuasa Puang Allataala.

1 Korintus 1:30

Menjajimo kamu' umma'-Na Puang Isa Almaseh, nasaba' Puang Allataalara. Iamo ssua Puang Isa la mpasalama' kamu', napupenjaji kamu' tomacca, tomelo, napatorro leko' kamu' jio mai to totangnturu' Puang, nala'bak kamu' jio mai kuasa dosa.

Yakub 1:17

Sininna to apa melo na te'da caccana pole jao mai suruga, nabenki' Puang Allataala, to mpaden allo, bulan sola bintuin jao langi'. Te'da natibalik to sipa'-Na Puang Allataala na tatta' too to akkatta-Na.

Yakub 1:5

Ia ke den kamu' tangpadete' tangngahmi, la meta'da kamu' lako Puang Allataala nabenni kamu', sanga malaboh na masannang penawan-Na mangpabengan lako sininna tau.

Pengkitanna Yahya 19:16

Den sanga diuki' jio pakean malando-Na na upan-Na, “Rajana sininna raja na Puangna sininna puang.”