Daniel 2:2 - Alkitab Duri

² Iamo joo natambai ngasanni to topaissen-issen, tomangbaca-baca, sando sola tomacca mbattuananni apa jaji jao langi', la mbattuananni joo tindona. Ia tonna sike'deranmo to tomacca jio olona raja,

Daniel 2:2 ပူးပေါင်းရင်းမြစ်များ

Ester 1:13

Den kabiasanna raja, iamo to mpeta'da pangtimbangan lako tomacca mangra'tah kara-kara sola tonnissen ada'. Iamo joo natambaii to tomangpakainga'na to la'bih nnissen kara'tasan matumba to nang la dipugauk ke denni passalan susinna to napugauk Datu Wasti.

Daniel 1:20

Tuli mekutana raja lako tee kallolo appa', ke denni passalan to la mparallui pangtimbangan sola pangtangngaran mandalan. Arannai naissen raja kumua manglokkon pessangpulo la'bih melo to pangngampa'na joo Daniel sola soba'na na ia to pangngampa'na topaissen-issen na tomangbaca-baca lan sininna kaparentanna.

Daniel 1:4

Iamo to kallolo te'da caccana, melo rupanna, mandalan pangtangngaranna, macca na buda kapaissenanna dikua anna sipato' mangjama lan istana raja. Massua toomi raja, anna ajahhi Aspenas pangnguki' sola basana to-Babel.

Daniel 2:10

Mebalii to tomacca mbattuananni apa jaji jao langi' nakua, “Lan sininna lino, te'da ia tau la nnissen tindo ke te'dai nadipauan jolo'. Na te'dapa ia naden mesa' raja, moi samatumbanna makuasa sola mala'bih mpeta'dai susi joo lako topaissen-issen, tomangbaca-baca sola tomacca mbattuananni apa jaji jao langi'.

Daniel 2:27

Mebalii Daniel nakua, “Tabe' puang, te'da tau ngkullei mpauanki' to apa susi joo, moi tomacca, tomangbaca-baca, topaissen-issen ba'tu topakita-kita.

Daniel 3:8

Wattu ia bang unamo joo na den ba'tu pira-pira to-Babel mangngolo lako raja, la mparapa'i joo to-Yahudi.

Daniel 4:3

Liwa' mala'bih to tanda mejangngaran Napugauk. Ia to kaparentan-Na, mangpapa'-papa' te'da anggena.

Daniel 4:6

Iamo joo kupasun parenta lako sininna tomacca lan tana Babel naratu mangngolo lako aku' dikua napauanna' battuananna joo tindoku'.

Daniel 5:7

Napematonggoi gamaranna na ditambai to tomangbaca-baca, tomacca mbattuananni apa jaji jao langi' sola topakita-kita anna disolan mangngolo lako raja. Nakua raja lako to tomacca, “Inda-inda to tau macca mbacai tee pangnguki' jio rinding, la napauanna' to battuananna, nadipapakei pakean karajaan jio mai kaen makudara' sola rara' bulawan, nadiben kakuasan mangpentallun jio mai kakuasanku' lan tee karajaanku'.”