Daniel 12:9 - Alkitab Duri

⁹ Mebalii joo malaeka' nakua, ‘Danggi' mumalaja' Daniel, nasaba' ia tee kadan-Na Puang Allataala la dianna melo na dijagai ratu lako Kama'na lino.

Daniel 12:9 ပူးပေါင်းရင်းမြစ်များ

Daniel 10:14

Kumane' ratu ssikitanko mpapahangngiko to apa la jaji lako bangsamu keanu', nasaba' ia tee pengkita la jaji tee wattu la dioloi lako.’

Daniel 11:40

Ia tonna mangkatampakanna joo wattu, la nararii Raja Mesir. Namane' la mangpabalahhi to raja jajanna liu mpake bendi kapararian, surudadu mangnyarang, na den too buda kappala'na. Ia to surudadunna liwa' buda la ssamboi buda kampong susi bangmi wai saba'.

Daniel 12:4

Mangkada omi joo malaeka' mangrupa tau nakua, ‘Ee Daniel, anna meloi tee sura', mutatta' njagaii ratu lako Kama'na lino. Buda tau male lako male jio mai madoang nnissenni, dikua nakerangngan to kapaissenanna.’

Daniel 12:8

Ia tee aku' Daniel, kusa'ding ngasan to kada napau malaeka', apa te'da kupahangngi apa battuananna joo nasanga. Jaji kukutanaii kukua, ‘Ie' puang, apara la jaji ke cappa'mi joo kajajian la'da'?’

Daniel 8:26

Ia joo pengkita mpaui to pangkaroba keallo-keallo 2300 to dipugauk makale' na karuen, to mangkamoko dipauan, nang la jaji. Apa nang la mujagai melo tongan tuu pengkita, sanga gaja sainpa namane' jaji.”

Pengkitanna Yahya 10:4

Mangkanna gumarugu joo pitu galugu, kulannuki'i, apa den gamara kusa'ding jao mai suruga ngkuanna', “Pallan penawa bangmi to apa napau to pitu galugu. Danggi' omo muuki'ii!”