Daniel 12:8 - Alkitab Duri

⁸ Ia tee aku' Daniel, kusa'ding ngasan to kada napau malaeka', apa te'da kupahangngi apa battuananna joo nasanga. Jaji kukutanaii kukua, ‘Ie' puang, apara la jaji ke cappa'mi joo kajajian la'da'?’

Daniel 12:8 ပူးပေါင်းရင်းမြစ်များ

Daniel 10:14

Kumane' ratu ssikitanko mpapahangngiko to apa la jaji lako bangsamu keanu', nasaba' ia tee pengkita la jaji tee wattu la dioloi lako.’

Daniel 12:6

Kukita unapi to malaeka' mangrupa tau jaoanna sa'dan to kukita ba'tu piran. Mekutanami sala mesa'na joo malaeka' ke'deh jio randan sa'dan lako joo malaeka' mangrupa tau nakua, ‘Pirara masainna la jaji joo kamaparrisan la'da' te'da susinna?’

Daniel 12:7

Ia joo malaeka' mangrupa tau, nnangka' dua limanna de' langi' na massapah jio olo-Na Puang Allataala to tuo te'da anggena, nakua, ‘La jaji tallung taun sitangnga masainna. Ianna mangkamo diancuru' to kamawatanganna umma'-Na Puang Allataala, mane'ri dianggei joo apa jaji.’

Daniel 12:9

Mebalii joo malaeka' nakua, ‘Danggi' mumalaja' Daniel, nasaba' ia tee kadan-Na Puang Allataala la dianna melo na dijagai ratu lako Kama'na lino.

Daniel 8:13

Sitarruhna, kusa'dingngi to dua malaeka' sipangkada. Ia to mesa' malaeka' mekutana nakua, “Pirara masainna la jaji joo apa lan pengkita? Pirara masainna te'da na diparinawa to karoba keallo-keallo nasaba' ia joo kagajatan mesolangan? Pirara masainna joo Bola Puang Allataala disorong lako kuasanna tanduk biccu' anna ia to surudadunna Allataala nalese-lese?”

Lukas 18:34

Apa ia joo napau Puang Isa te'da ngasan napahangngi anak gurun-Na, sanga dibuniananni lako kalena. Iamo joo na te'da naissenni anak gurun-Na apa to nasanga Puang Isa.

Yahya 12:16

Ia joo wattu te'dapa napahangngi to anak gurun-Na Puang Isa joo apa napugauk tau. Apa mangkamira dipakala'bih to Puang Isa tonna dipatuo pole'mo jio mai kamatean, namane' nningaranni kumua, mangkami diuki' lan Sura' Allataala joo napugauk tau lako Puang Isa.

Jamanna Rasulu' 1:7

Napebalii Puang Isa nakua, “Ambe' Ia to mpattantui to wattunna na allona. Te'da naparallu miissen joo, sanga Ambe' Ia mpuissenni.

1 Petrus 1:11

Roh-Na Almaseh ngkuasai tuu lako nabi anna pau joloi to kamaparrisan la naperasai Almaseh sola kamala'biran to naampa' o undinna. Napesa' tarruhhi sanga madoangngi nnissenni kumua piranra nalajaji joo kasalamatan na umbo nakua carana la jaji.